Εκούρευαμε το χορόν

Προβολή Τραγουδιού

Καλλιτέχνες: Γιώτης Γαβριηλίδης, Ματθαίος Τσαχουρίδης

Πού είναι εκείν’ τα παλαιά
χαράντας, πανοΰρι͜α;
Επαίρναμε την κεμεντζ̌έ
κι ελάσκουμ’νες τα χωρία

Σα μουχαπέτι͜α εγύριζαμ’
και -ν- όλι͜α τα μαχαλάδες
Έτρωγαμ’ και -ν- εγνέφιζαμ’
τη χώρας τοι νυφάδες
Έτρωγαμ’ κι ετραγώδ’ναμε
τη χώρας τοι νυφάδες

Όλι͜α τα πόρτας ένοιγαν
με κεμεντζ̌ές λαλίαν
Εκούρευαμε τον χορόν
κι έπιναμε ρακία

Μάνα μ’, ντό αγνά έσανε
’κείν’ τα χρόνι͜α τα παλαιά!
Τα γλέντι͜α ντο εποίν’ναμε
σην Παλάφσ̌αν¹ μερέαν

Γλωσσάρι

Κείμενο	Επεξήγηση	Ετυμ. Ρίζα
αγνά	αξιοθαύμαστα, περίεργα
εγνέφιζαμ’	ξυπνούσαμε
εκείν’	εκείνοι
εκούρευαμε	στήναμε	kurmak
ελάσκουμ’νες	περιφερόμασταν, τριγυρνούσαμε, περιπλανιόμασταν	ἀλάομαι/ηλάσκω
ένοιγαν	(μεταβ) άνοιγαν
έπιναμε	πίναμε
εποίν’ναμε	κάναμε, φτιάχναμε	ποιέω-ῶ
έσανε	ήταν
ετραγώδ’ναμε	τραγουδούσαμε
έτρωγαμ’	τρώγαμε
κεμεντζ̌έ	λύρα	kemençe/kemānçe
κεμεντζ̌ές	λύρας	kemençe/kemānçe
λαλίαν	λαλιά, φωνή
μαχαλάδες	γειτονιές	mahalle/maḥalle
μερέαν	μεριά
μουχαπέτι͜α	κουβέντες, φιλικές συνομιλίες, συνεκδ. φιλικές συνεστιάσεις (συνήθως μετά μουσικής)	muhabbet/maḥabbet
νυφάδες	νύφες
πανοΰρι͜α	πανηγύρια
πόρτας	(ονομ.πληθ.) πόρτες	porta
ρακία	(πληθ.) αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī
τοι	τους/τις
χαράντας	χαρές, γάμοι
χώρας	ξένος/η/ο/οι γενικά, οι/το/τα μη οικείο/α, ξενιτειάς
χωρία	χωριά

Σημειώσεις

¹ (Γνωστό και ως Μπαλάφτσα ή Μπάλεβετς) Παλιά ονομασία του χωριού Κολχικό Θεσσαλονίκης