Θέλω να τραγωδώ ατο

Προβολή Τραγουδιού

Καλλιτέχνες: Γιώτης Γαβριηλίδης, Ματθαίος Τσαχουρίδης

Τρανόν καπαχάτ’ εποίκα,
ντό θα ’φτάγω ’κ’ εξέρω!
Σοι δυ’ς πα λόγον εδέκα,
ατσ̌ά, τίναν θα παίρω;

Λελεύω σας, ε μειζετέρ’,
μεσοκαιρίτ’ πατσίδες
Θέλω να τραγωδώ ατο,
εβγαίν’νε καβγατσ̌ήδες

Δύο / Τρία φαμελίας εγώ,
τ’ εμετέρ’ θα κρεμίζω
Καν’νάν να παίρω ’κ’ ’ίνεται,
τοι δυ’ς πα θα κλαινίζω

Αν θέλ’νε ας κατηγορούν
εμέν τον μουατσ̌ίρη
Αν θέλ’νε εβγάλλ’νε τ’ όνεμα μ’,
ευτάνε με γεσίρι

Γλωσσάρι

Κείμενο	Επεξήγηση	Ετυμ. Ρίζα
ατσ̌ά	άραγε	acep/ʿaceb
γεσίρι	κυριολ. αιχμάλωτος μτφ. ταλαιπώρος, αυτός που έχει υποστεί κακουχίες	esir
εβγαίν’νε	βγαίνουν
εβγάλλ’νε	βγάζουν
εδέκα	έδωσα
εμετέρ’	δικοί μου/μας	ἡμέτερος
εποίκα	έκανα, έφτιαξα	ποιέω-ῶ
ευτάνε	κάνουν, φτιάχνουν	εὐθειάζω
θέλ’νε	θέλουν
’ίνεται	γίνεται
’κ’	δεν	οὐκί<οὐχί
καν’νάν	κανέναν
καπαχάτ’	φταίξιμο, σφάλμα, έγκλημα	kabahat/ḳabāḥat
κλαινίζω	στενοχωρώ, κάνω κπ να κλάψει
κρεμίζω	γκρεμίζω, ρίχνω κάποιον
λελεύω	χαίρομαι
μειζετέρ’	οι πρεσβύτεροι σε ηλικία
μεσοκαιρίτ’	μεσηλίκες
μουατσ̌ίρη	πρόσφυγα, μετανάστη	muhacir/muhācir
όνεμα	όνομα
πα	πάλι, επίσης, ακόμα
παίρω	παίρνω
πατσίδες	αδελφές, κόρες (ως προσφώνηση γυναικών γενικά)	bacı
σοι	στους/στις, τους/τις
τίναν	ποιον/α
τοι	τους/τις
τραγωδώ	τραγουδάω
’φτάγω	(ευτάγω) κάνω, φτιάχνω	εὐθειάζω