Κάποτε εκαμάτιζα

Προβολή Τραγουδιού

Ασ’ έναν μαχαλάν είμες
κι ασ’ έναν [εμείς, πουλί μ’/πουλί μ’, εμείς] γειτονίαν [γιαρ/νέι]
Την πόρτα σ’, ρίζα μ’, άνοιξον
ας ελέπω σε -ν- εγώ [πουλί μ’] μίαν [νέι]

Εσύ απ’ ατού κι εγώ απ’ αδά,
εντάμαν εμείς [πουλί μ’] ας τερούμε [νέι]
Κάποτε θα τσ̌ατεύομε,
τ’ έναν τ’ άλλο [εμείς] να εγροικούμε [νέι]

Κάποτε εκαμάτιζα
ήντι͜αν εθέλ’να εγώ [πουλί μ’] εποίν’να [νέι]
Όπου κορτσόπα -ν- έμορφα
επαίρ’να εγώ [ατά, ξαν] εφίλ’να [νέι]
επαίρ’να εγώ [-ν- αρ’ ατά] και -ν- εφίλ’να [νέι]

Επέζεψα να ζω αέτσ’
με βάσανα [εγώ] και με πελιάδες [γιαρ]
Πού είν’ εκείνα τα καιρούς
ντο είχαμε -ν- [εμείς] πάντα σεβντάδες [γιαρ]

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
αέτσ’	έτσι
άνοιξον	(προστ.) άνοιξε
αρ’	εισάγει ή τονίζει πρόταση με ποικίλες σημασιολογικές αποχρώσεις: λοιπόν, άρα, έτσι, επομένως, δηλαδή, τέλος πάντων, τώρα, άντε, με χροιά παρότρυνσης ή επίγνωσης, όπως το τουρκ. ha	ἄρα
ασ’	από
ατά	αυτά
ατού	εκεί (σε τόπο ή σημείο που βρίσκεται σε κάποιο απόσταση)
γιαρ	αγαπητός/ή/ό, αγάπη	yâr
εγροικούμε	καταλαβαίνουμε
εθέλ’να	ήθελα
είμες	είμαστε
είν’	(για πληθ.) είναι
εκαμάτιζα	είχα στη δούλεψή μου
ελέπω	βλέπω
έμορφα	όμορφα
εντάμαν	μαζί
επαίρ’να	έπαιρνα
επέζεψα	βαρέθηκα, κουράστηκα	bezmek
εποίν’να	έκανα, έφτιαχνα	ποιέω-ῶ
εφίλ’να	φιλούσα
ήντι͜αν	οτιδήποτε, ό,τι
κορτσόπα	κοριτσάκια
μαχαλάν	γειτονιά	mahalle/maḥalle
μίαν	μια φορά
ξαν	πάλι, ξανά
πελιάδες	βάσανα, σκοτούρες	bela
σεβντάδες	έρωτες	sevda/sevdā
τερούμε	κοιτάμε
τσ̌ατεύομε	συναντούμε (τυχαία), τυχαίνουμε	çatmak