Προβολή Τραγουδιού

Γράμμα γράφτω στείλω

Καλλιτέχνες: Βλαδίμηρος Χαραλαμπίδης

Ντό πολλά χρόνα̤ έργησες,
άντρα μ’, στην ξενιτεία!
Εμέν αν ’κι αγαπάς,
αγάπα τα παιδία σ’

Ντό είν’, γιάβρι μ’, ατά ντο λες
κι ευτάς με κι όλον κλαίω;
Για τίναν σύρω βάσανα;
Για τίναν υποφέρω;

♫

Γράμμαν γράφτω στείλω,
γιάβρι μ’, για τ’ εσένα
Επέμ’να μόνος κι έρημος
απέσ’ σα μαύρα ξένα

Τα μαλλία μ’ έσπρυναν,
γιάβρι μ’, για τ’ εσένα
(Ανα)θεμά τα μαύρα ξένα
Έναν πρωίν θα κλώσκουμαι
νά ’ρχουμαι ζω σ’ εσένα

Ασ’ τ’ ανοί͜εις το γράμμαν,
γιάβρι μ’, ξάι μη κλαις
Και κουράγιον ποίσον
το καλό μ’ αν θέλτς

Τα μαλλία μ’ έσπρυναν
λύεται η καρδία μ’
Μα την Παναΐαν!
Έναν πρωίν θα κλώσκουμαι
αν έχω την υγεία μ’

Γλωσσάρι

Κείμενο	Επεξήγηση	Ετυμ. Ρίζα
ανοί͜εις	ανοίγεις
απέσ’	μέσα
ασ’	από, από τότε (που), καθώς
ατά	αυτά
γιάβρι	μωρό, μικρό, παιδί	yavru
είν’	είναι (για πληθ.)
επέμ’να	απόμεινα
έργησες	άργησες
έσπρυναν	άσπρισαν
ευτάς	κάνεις, φτιάχνεις	εὐθειάζω
θέλτς	θέλεις
’κι	δεν	ουκί<οὐχί
κλώσκουμαι	γυρίζω, επιστρέφω
λύεται	λιώνει
ξάι	καθόλου
παιδία	παιδιά
ποίσον	κάνε, φτιάξε (προστ.)	ποιέω, ποιῶ
πολλά	πολλά (επίθ.), πολύ (επίρ.)
σύρω	σέρνω, τραβώ, ρίχνω
τίναν	ποιον/α
χρόνα̤	χρόνια