Προβολή Τραγουδιού
Αρνί μ’, θαμαντοπρόσωπον
Ας σ’ ουρανού το κρενίνΣτιχουργοί: Ιορδάνης Χωλίδης
Συνθέτες: Θόδωρος Κοτίδης
Καλλιτέχνες: Γιώργος Σιαμλίδης, Θόδωρος Κοτίδης
Αρνί μ’, θαμαντοπρόσωπον γουρπάν’ σην εμορφία σ’! Ισ̌μάρ’ ποίσον και έρχουμαι, κονεύω απέσ’ σα ψ̌ήα σ’ Έμπρι͜α σ’ θα έρχουμαι, πουλί μ’, και θέκω τα ονέρ’τα μ’ Αν θέλτς πάτ’ και τσ̌ουγνάεψον τα υστερνά μ’ πα ας έρ’ταν Ν’ αηλί εμέν ντό έπαθα, ο Θεόν να ελεά με! ’Κι αφήντς με να σουμώνω σε, γιαβάς̌-γιαβάσ̌ι͜α χάμαι Εχτέθα έναν ταπιέτ’ και μετ’ εσέν, κορτσόπον Στοχ̌εύω για την απαντή σ’, μικρόν ’κοδεσποινόπο μ’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| απαντή | συνάντηση, αντάμωση | ||
| απέσ’ | μέσα | ||
| αφήντς | αφήνεις | ||
| γιαβάς̌ | αργά | yavaş | |
| γιαβάσ̌ι͜α | αργά | yavaş | |
| γουρπάν’ | θυσία | kurban/ḳurbān | |
| ελεά | λυπάται, δείχνει ελεημοσύνη | ||
| εμορφία | ομορφιά | ||
| έμπρι͜α | μπροστά | ||
| έρ’ταν | έρχονται | ||
| έρχουμαι | έρχομαι | ||
| εχτέθα | απόκτησα | ||
| θέκω | θέτω, τοποθετώ, βάζω | ||
| θέλτς | θέλεις | ||
| ισ̌μάρ’ | νεύμα, νόημα | işmar/նշմար | |
| ’κι | δεν | ουκί<οὐχί | |
| κονεύω | εγκαθίσταμαι, φωλιάζω, προσγειώνομαι (επί πτηνών) | konmak | |
| κορτσόπον | κοριτσάκι | ||
| μετ’ | μαζί με (με αιτιατική), με (τρόπος) | ||
| ν’ αηλί | αλίμονο | μεσαιων. ελλ. ἀλί<ἀ- + ἠλί (εβραϊκά אל)= θεός | |
| ονέρ’τα | όνειρα | ||
| πα | πάλι, επίσης | ||
| πάτ’ | πάτησε, πάτα | ||
| ποίσον | κάνε, φτιάξε (προστ.) | ποιέω, ποιῶ | |
| σουμώνω | σιμώνω, πλησιάζω | ||
| στοχ̌εύω | παρατηρώ, προσέχω, επισημαίνω | ||
| ταπιέτ’ | συνήθεια, χαρακτηριστικό, ο χαρακτήρας ενός ανθρώπου | tabiat/ṭabīʿat | |
| υστερνά | κατοπινά, τελευταία | ||
| χάμαι | χάνομαι, μτφ. πεθαίνω | ||
| ψ̌ήα | ψυχές, η περιοχή του στέρνου, τα εσώψυχα |