Το στερνοπούλι μ’

Σύναυγα απάν’ σο μέρωμαν
εντώκεν η καμπάνα [νέι]
Θανατικόν έν’ το χαπάρ’,
ν’ αηλί σε, μάρσα μάνα! [νέι]

Τα γόνατα μ’ εκόπανε
κι η ψ̌η μ’ επεκρεμάεν
Η καρδι͜ά μ’ έντονε χουσ̌ούρ
κι ο νους ι-μ’ επεχπάεν [νέι]

Άμον το κρύον το νερόν
π’ αναίτια θολούται [νέι]
Το στερνοπούλι μ’ το μικρόν
τσ’ έλεεν θα σκοτούται; [νέι]

Τα γόνατα μ’ εκόπανε
κι η ψ̌η μ’ επεκρεμάεν
Η καρδι͜ά μ’ έντονε χουσ̌ούρ
κι ο νους ι-μ’ επεχπάεν [νέι]

Βαρύν λόγον θα λέγω σε,
Θέ μ’, και κάτ’ θα ψαλαφώ σε [νέι]
Άγγελον ποίσον το γιαβρί μ’
κι άντζ̌ακ θα συγχωρώ σε

Τα γόνατα μ’ εκόπανε
κι η ψ̌η μ’ επεκρεμάεν
Η καρδι͜ά μ’ έντονε χουσ̌ούρ
κι ο νους ι-μ’ επεχπάεν [νέι]

Εντάμαν, πουλί μ’, με τσ’ αγγέλτς
τη μάνα σ’ παρηγόρα
Εμείς με τ’ αδελφόπα σου
θα χ̌αίρουμες ατώρα

Τα γόνατα μ’ εκόπανε
κι η ψ̌η μ’ επεκρεμάεν
Η καρδι͜ά μ’ έντονε χουσ̌ούρ
κι ο νους ι-μ’ επεχπάεν [νέι]