Ο Καρσλής χορεύ’ το Τας

Προβολή Τραγουδιού

Καλλιτέχνες: Θεόδωρος Βεροιώτης, Στάθης Νικολαΐδης

expand_content

Ο Κρωμέτες τραγωδεί
και η λύρα τ’ κελαηδεί
Λιβερίτες πάει σ’ ορμάν’
κι ο Σαντέτες τρώει τσ̌ορτάν’

Μουζενίτες μερακλής,
σο χορόν ατ’ πιτσ̌ιμλής
κι ο Καρσλής γιαβάς̌-γιαβάς̌
σο χορόν χορεύ’ το Τας

Ξύλα φέρ’νε ας σο λιβάδ’,
ση χαράν σπάζ’νε αγελάδ’
Παίζ’ η λύρα και νταούλ’,
σο χορόν εμπαίν’νε ούλ’

Τραγωδούνε μερακλία,
σον γαμπρόν δίν’νε ευχ̌ήν
Και η νύφε κρατεί μάχ̌’
κι ο Καρσλής χορεύ’ το Τας

Σουρμενίτες φέρ’ χαψία,
Πλατανέτες τα ρακία
Ορντουλήδες σο τηγάν’
γαβουρεύ’νε γαβουρμάν

Ιμερίτες φέρ’ το γάλαν
και ο Τόγιαλης τη σαλάν
Τρώνε στύπα και λαβάσ̌’
κι ο Καρσλής χορεύ’ το Τας

Γλωσσάρι

Κείμενο	Επεξήγηση	Ετυμ. Ρίζα
αγελάδ’	δαμαλίδα, νεαρή αγελάδα
γαβουρεύ’νε	ξεροψήνουν, καβουρδίζουν, τηγανίζουν	kavurmak
γαβουρμάν	καβουρμά (=κρέας που μαγειρεύεται και ψήνεται στο δικό του λίπος, στη συνέχεια τρώγεται ή καταψύχεται και αποθηκεύεται)	kavurma
γιαβάς̌	αργά	yavaş
δίν’νε	δίνουν
εμπαίν’νε	μπαίνουν
κρατεί	κρατάει, βαστάει, στέκει, αντέχει
λαβάσ̌’	πίτα, είδος μαλακού, λεπτού, επίπεδου ψωμιού	lavaş/lavāş
λιβάδ’	λιβάδι
μερακλία	με μεράκι, με ιδιαίτερο ζήλο	meraklı/merāḳ
νταούλ’	νταούλι	davul/ṭabl
νύφε	νύφη
ορμάν’	δάσος	orman
ούλ’	όλοι
πιτσ̌ιμλής	όμορφος, καλοσχηματισμένος, κομψός	biçimli
ρακία	(πληθ.) αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī
σαλάν	λίπος
σπάζ’νε	σφάζουνε
στύπα	ξινά, τουρσιά	στυφός
Τας	ονομασία αντικρυστού ποντιακού χορού
τραγωδεί	τραγουδάει
τραγωδούνε	τραγουδάνε
τσ̌ορτάν’	είδος σκληρού τυριού από μυζήθρα αποβουτυρωμένη και ξηραμένη στον ήλιο	չոր (ch’vor)=ξερό + Թան (tan)=λιώνω, ρέω
φέρ’	φέρνω/ει
φέρ’νε	φέρνουν
χαψία	γαύροι	hamsi<ჰამსი
χορεύ’	χορεύω/ει