Έπαρ’ με, κόρ’/Έμπα σο χορόν

Έπαρ’ με, κόρ’, έπαρ’ με,
ρίζα μ’, ποδεδίζω σε
Μετ’ εμέν θα ζεις καλά,
θα χαρεντερίζω σε

Έπαρ’ με, κόρ’, έπαρ’ με,
είμαι άξιον παλληκάρ’
Ση χωρί’ μ’ τα κορτσόπα
πολλά έχω εχτιπάρ’

Το γομάρι μ’ αλεύρι͜α,
εύρα την πελιά μ’, εύρα
Άμον ζαντός πορπατώ,
να χ̌αίρουμαι ’κ’ επορώ

♫

Έλα έμπα σο χορόν,
εσέν λέγω, κορτσόπον
Μαζί να χορεύομε
το χορόν το Τρομαχτόν

Έχω εγώ τρανόν χαράν,
χόρεψον σ’ εμόν το γιάν’
Και ας ση χαράν πετώ
το χ̌ερόπο σ’ να κρατώ

Σίτι͜α εμείς χορεύομε
κάτ’ έχομ’ να λέγομε
Εμέναν αν αγαπάς
ήντι͜αν λέω σε να ευτάς

Ο χορόν προτού τελέν’
φύγον κι έλα μετ’ εμέν
«Ενεγκάστα,» πέει «εγώ
’κ’ επορώ να χορεύω»

Μετ’ ατό τη μαχανάν
έλα σ’ εμόν την οτάν
Μόνασον έναν βραδήν
μετ’ εμέν τον σεβνταλήν