Εντροπή 2000

’Κ’ έν’ μονάχον ο ποπάς,
έχουμ’ κι άλλο ιστορίαν
’Ίν’νταν κι άλλα θάματα
και -ν- αφκά ση Θεσσαλίαν

Όπως λέει η παροιμία
«το ξένον έν’ νόστιμον»
αλλά έχ̌’ πολλά πελι͜άδας
κι ακριβόν το πρόστιμον

Σην Οδός Μανδηλαρά
οι γαρήδες ατουν φεύ’νε
στρατιώτες κι αλβανέζους
ατουνούς να συντροφεύ’νε

Άμον λυμένα σ̌κυλία
άτσ̌απα αντρούδες ’κ’ έχ’νε
να ευτάνε τη δουλείαν
και σα γκαρσονιέρας τρέχ’νε;

Το πρωί σ’ οσπίτ’ κυράδες,
το βράδον επίσκεψην
Ορφανούς και οδοιπόρους
ευτάν’ περιποίησην

Σο κιφάλι μουν εκόλλτσαν
εφτά μέτρα κέρατα
Όπως λέει και το ρητόν
«κάθκα απάν’ και τέρ’ α̤τα»

’Κ’ έν’ άμον τα ζα κωδώνι͜α
εμείς θα κρεμάνουμε
Κι ας σα πόρτας τη Καμάρας
και πώς θα περάνουμε;

Πώς έρθεν εμάς και -ν- εύρεν
και -ν- ατό η συμφορά
Γιάμ’ κι εμείς εποίκαμ’ λάθος
και ’κ’ εφέρθαμε καλά;

Ας τερούμε να προφτάνουμ’
εμείς την καταστροφήν
να σ̌κεπάζουμε την πίκραν
μαζί και την εντροπήν

Μετ’ ατά ντο ’ίν’ντανε
ο Θεόν εμάς θα χάν’
αλλά έχ̌’ πολλά δουλείαν
και για τ’ εμάς ’κι προφτάν’

Έρθαν και -ν- εζέλεψαν
και -ν- απάν’ κέσ’ σην Καρδίτσαν
Επεδέβαν τα πομπάκια
η Στελλίτσα κι η Κικίτσα

Ατείν’ πόλεμον εποίκαν,
πάνε για εκδίκησην
πάνε για εκδίκησην

Ατουνούς να ευχαριστούνε
για την καλοχτένισην
Ατά ντο εποίκαν ατ’ς
να παίρ’νε εκδίκησην

Εφέκαν οσπίτ’, παιδία
και -ν- ερρούξαν σ’ ορταλούκ’
Με τον έναν, με τον άλλον
ευτάνε μασκαραλούκ’
και τ’ οπίσ’ ξάι ’κι νουνίζ’νε
ούτε και το ρεζιλούκ’

Έναν κάστα για να βάλλω
εγώ έναν ντετεκτίβ
και πιάν’ την πεθερά μ’
και μαζί και την γαρή μ’

Άμον τα βρεμένα κάτας
έρθανε κι οι δύ’ μαζί
έρθανε κι οι δύ’ μαζί

Η λαλία τουν εκόπεν,
πού να ’βγάλλ’νε λαχουσ̌ήν;
Η λαλία τουν εκόπεν,
ετσουρώθεν
πού να ’βγάλλ’νε λαχουσ̌ήν;

Ντό θα ’φτάμε ξαν νουνίζουμ’,
λες να φέρουμ’ ατ’ς οπίσ’;
Άτσ̌απα θα κάθουν τούλα
ή θα ’φτάνε άλλο χ̌είρ’;

Ας πατούμε ξαν απάν’ [και -ν- απάν’]
για τη παιδίων το χατίρ’

Αρ’ αΐκα μασκαρείας
’ίν’νταν απέσ’ ση ζωήν
Μη λέει κανείς έν’ αθώος
κι όλα̤ σύρτς ας ση γαρήν

Και -ν- όλοι ευτάμε λάθη,
αναμάρτητος κανείς
Απ’ ατώρα ας τερούμε [ας τερούμε]
να είμες και εμείς σωστοί

Everybody fucks in this city except me!