Για τ’ ομμάτι͜α τ’ εκεινές

Για τ’ ομμάτι͜α τ’ εκεινές,
καρδι͜ά μ’, αναστέναξες
Ν’ αηλί εμέν το παλληκάρ’
σ’ ατεινές έλα -ν- ισ̌μάρ’

Βάλεν έναν χαϊμαλί
για τ’ ομμάτι͜α τη κοσμί’
Κι αν κάτ’ς ομματι͜άζ’νε σε,
φιλώ, ξεματι͜άζω σε

Τα χ̌ειλόπα σ’, το κορμί σ’,
σην εγκάλια μ’ να χαρί͜εις
να φιλώ, φιλώ, φιλώ,
την εγκάλια σ’ χορτάζω

Βάλεν έναν χαϊμαλί
για τ’ ομμάτι͜α τη κοσμί’
Κι αν κάτ’ς ομματι͜άζ’νε σε,
φιλώ, ξεματι͜άζω σε

Τα καρδίας εμουν κρού’ν,
πελίν έντον ντ’ αγαπούν
Θα σπίγγω τ’ εσόν το χ̌έρ’
κι άψιμον η ψ̌η μ’ ας παίρ’

Βάλεν έναν χαϊμαλί
για τ’ ομμάτι͜α τη κοσμί’
Κι αν κάτ’ς ομματι͜άζ’νε σε,
φιλώ, ξεματι͜άζω σε