Για τ’ εσέν νουνίζω

Προβολή Τραγουδιού

Για τ’ εσέν νουνίζω,
κλαίω και πονώ
Λάσκουμαι -ν- απέσ’ σα στράτας
και παραμιλώ

Εσέν αγαπώ σε
ας σην ψ̌η μ’ πολλά
’Σέν θα στεφανούμαι
απάν’ ση Σουμελάν

Τ’ εμόν έτονε το λάθος
ντο εβέδα πλάν
Μαναχέσσα ατώρα κείσαι
σο γεργάν’ αφκά

Εσένα πονώ σε/Εσέν αγαπώ σε
ας σην ψ̌η μ’ πολλά
’Σέν θα στεφανούμαι
απάν’ ση Σουμελάν

Μοναχός ι-μ’ πώς θα ζω;
Ντό εγράεψα;
Και σα έρημα τα ξένα
εσέν εράεψα

Εσέν αγαπώ σε
ας σην ψ̌η μ’ πολλά
’Σέν θα στεφανούμαι
απάν’ ση Σουμελάν

Γλωσσάρι

Κείμενο	Επεξήγηση	Ετυμ. Ρίζα
απάν’	πάνω
απέσ’	μέσα
ατώρα	τώρα
αφκά	κάτω
γεργάν’	πάπλωμα	yorgan
εγράεψα	πέρασα, υπέφερα	uğramak
εμόν	δικός/ή/ό μου	ἐμοῦ
εράεψα	έψαξα, γύρεψα, αναζήτησα	aramak
έτονε	ήταν
κείσαι	κείτεσαι, ξαπλώνεις
λάσκουμαι	περιφέρομαι, τριγυρίζω, περιπλανώμαι	ἀλάομαι/ηλάσκω
μαναχέσσα	μονάχη
νουνίζω	σκέφτομαι
πλάν	πλάι, πλαϊνό/ παρακείμενο μέρος, παραπέρα
πολλά	(επίθ.) πολλά, (επίρρ.) πολύ
στεφανούμαι	στεφανώνομαι
στράτας	(ονομ.) δρόμοι, (αιτ.) δρόμους
ψ̌η	ψυχή