Ο πρώτος ξεριζωμός

Προβολή Τραγουδιού

Ο πρώτον ο ξεριζωμός
έτονε των Ποντίων
Οι Τούρκ’ ντ’ εχάτεψαν εμάς
τον χρόνο είκοσι δύο (’22)

Άμον πουλόπα εδέβαν πλάν,
παίρ’νε τα στράτας πάνε
Με τα μωρά σα χ̌έρι͜α τουν
κλαίγ’νε, μοιρολογάνε

Εφέκανε τ’ οσπίτι͜α τουν
και τα περιουσίας
κι άμον γεσίρι͜α λάσκουνταν
σα μακρά ξενιτείας

Οι Πόντιοι υπόφεραν
μακρά σην ξενιτείαν
Με τη Θεού την δύναμην
εκλώσταν σην πατρίδαν

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
γεσίρι͜α	κυριολ. αιχμάλωτοι μτφ. ταλαιπώροι, αυτοί που έχουν υποστεί κακουχίες	esir
εδέβαν	(για τόπο) πέρασαν, διέσχισαν, (για χρόνο) πέρασαν	διαβαίνω
εκλώσταν	γύρισαν, επέστρεψαν
έτονε	ήταν
εφέκανε	άφησαν
εχάτεψαν	έδιωξαν	atmak
κλαίγ’νε	κλαίνε
λάσκουνταν	περιφέρονται, τριγυρίζουν, περιπλανώνται	ἀλάομαι/ηλάσκω
μακρά	(επιρρ.) μακριά, (επιθ.) μακρινά, απομακρυσμένα
οσπίτι͜α	σπίτια	hospitium<hospes
παίρ’νε	παίρνουν
πλάν	πλάι, πλαϊνό/ παρακείμενο μέρος, παραπέρα
πουλόπα	πουλάκια
στράτας	(ονομ.) δρόμοι, (αιτ.) δρόμους
τουν	τους
Τούρκ’	Τούρκοι