Προβολή Τραγουδιού
Έναν κορτσόπον έμορφον |

Στιχουργοί: Κωνσταντίνος Παπουλίδης
Συνθέτες: Κωνσταντίνος Παπουλίδης
Καλλιτέχνες: Κωνσταντίνος Παπουλίδης
Έναν κορτσόπον έμορφον, γλυκύν άμον το μήλον Όθεν κέσ’ πάει και πορπατεί φωτάζ’ άμον τον ήλιον Πουλόπο μ’, όθεν πορπατείς ανθίζ’ όλιον ο τόπον Κι άμον παρχαρί’ μανουσ̌άκ’ σκουντουλίζ’ το καρδόπο μ’ Τ’ ομμάτια τ’ς είν’ ολήμαυρα, τσ̌αρτιλίζ’νε ση νύχταν Μαύρα και τα μαλλόπα σου, απέσ’ σην καρδι͜ά μ’ κείνταν Το Θεόν ’παρακάλεσα να παίρω σε, πουλόπο μ’ Να εμπαίντς σ’ εγκαλιόπο μου και να φωτάζ’ το ψ̌όπο μ’
Κείμενο | Επεξήγηση | Ετυμ. Ρίζα | Προέλευση |
---|---|---|---|
άμον | σαν, όπως, καθώς | ἅμα | |
απέσ’ | μέσα | ||
γλυκύν | γλυκιά/ό | ||
εγκαλιόπο | αγκαλίτσα | ||
είν’ | (για πληθ.) είναι | ||
έμορφον | όμορφο | ||
εμπαίντς | μπαίνεις | ||
καρδόπο | καρδούλα | ||
κείνταν | κείτονται, ξαπλώνουν | ||
κέσ’ | εκεί μέσα, προς τα εκεί | κέσου<κεῖσ’<κεῖσε<ἐκεῖσε | |
κορτσόπον | κοριτσάκι | ||
μαλλόπα | μαλλάκια | ||
μανουσ̌άκ’ | μενεξές/βιολέτα | մանուշակ (manušak)<manafšak | |
όθεν | όπου, οπουδήποτε, σε όποιον | ||
ολήμαυρα | ολόμαυρα | ||
όλιον | όλο, ολόκληρο | ||
παίρω | παίρνω | ||
’παρακάλεσα | (επαρακάλεσα) παρακάλεσα | ||
παρχαρί’ | θερινού βοσκότοπου (παρχαριού) | ||
πορπατεί | περπατάει | ||
πορπατείς | περπατάς | ||
πουλόπο | πουλάκι | ||
σκουντουλίζ’ | ευωδιάζει, μοσχοβολάει | ||
τσ̌αρτιλίζ’νε | λάμπουν, λαμποκοπούν | ||
φωτάζ’ | φωτίζει, λάμπει | ||
ψ̌όπο | ψυχούλα |