Ο παλαλόν

Προβολή Τραγουδιού

Καλλιτέχνες: Γιώργος Ιωαννίδης, Γιώργος Σιαμίδης, Λάζος Ιωαννίδης

Ας έμ’νε ένας παλαλός
ας μη είχα ακίλι
και μετ’ εμέν εγέλαναν
οι συγγενείς κι οι φίλοι

Το τέρτι μ’ ποίον θ’ έτονε;
Ας έσαν όλ’ αγάδες
κι εντούν’ναν τα κιφάλια τουν
πώς θα ’φτάγ’νε παράδες

Φαΐν, ποτήν και λάσιμον
χορόν και κεμεντζ̌έδες
κι η καρδι͜ά μ’ ν’ απαροθυμά
με τ’ έμορφα καϊτέδες

Γλωσσάρι

Κείμενο	Επεξήγηση	Ετυμ. Ρίζα
ακίλι	μυαλό	akıl/ʿaḳl
απαροθυμά	αποβάλλει/ξεπερνάει τη νοσταλγία
εγέλαναν	γελούσαν
έμ’νε	ήμουν
έμορφα	όμορφα
εντούν’ναν	χτυπούσαν
έσαν	ήταν
έτονε	ήταν
καϊτέδες	μελωδίες, μουσικές συνθέσεις, μουσικοί σκοποί	kayde
κεμεντζ̌έδες	λύρες	kemençe/kemānçe
κιφάλια	κεφάλια
λάσιμον	γύρα, βόλτα, περιπλάνηση	ἀλάομαι/ηλάσκω
μετ’	μαζί με (με αιτιατική), με (τρόπος)
όλ’	όλοι/α
παλαλός	τρελός, ανόητος
παράδες	λεφτά, χρήματα	para/pāre
ποτήν	κάθε οινοπνευματώδες ποτό, πιοτί
τέρτι	καημός, βάσανο, στενοχώρια	dert
τουν	τους
’φτάγ’νε	(ευτάγ'νε) κάνουνε, φτιάχνουνε	εὐθειάζω