Ειρήνη ση γην

Έρθαν τα Χριστούγεννα,
ειρήνη σην γην [μανίτσα μ’]
Όχι πόλεμοι σον κόσμον,
ελαίας κλαδίν [μανίτσα μ’]

Έρθαν τα Χριστούγεννα,
άπλωσον το χ̌έρ’ [μανίτσα μ’]
Τριαντάφυλλα και ρόδα,
όχι το μαχ̌αίρ’ [μανίτσα μ’]

Έρθαν τα Χριστούγεννα,
τη Θεού ο γιον [μανίτσα μ’]
και το περιστέρ’ φωλέαν
εποίκεν/έχτ’σεν σο κανόν’ [μανίτσα μ’]

Έρθαν τα Χριστούγεννα
φίλ’ και όχι τουσ̌μάν’ [μανίτσα μ’]
Όχι πόλεμοι, ειρήνη,
και ση γην απάν’ [μανίτσα μ’]