Προβολή Τραγουδιού

Κρίμαν, γιαβρί μ’, εγέρασα

[Εχ!] Ν’ αηλί εμέν [γιαβρί μ’/ψ̌ήκα μ’] εγέρασα
[Εχ!] έσπρυναν [και/γιαβρί μ’] τα μαλλία μ’
Εγώ [και/γιαβρί μ’] τ’ αρνί μ’ ’κ’ εφίλεσα,
[Εχ!] βαρύν έν’ [και -ν-/ψ̌ήκα μ’] η καρδία μ’

[Εχ!] Τα νεότητα [γιαβρί μ’] ντ’ άγνα είν’;
[Εχ!] Πάνε [γιαβρί μ’/ψ̌ήκα μ’] κι άλλο ’κι κλώσ̌κουν
[Εχ!] Άμον εκείνο [ξαν και/γιαβρί μ’] το χορτάρ’,
τα πρόβατα [ψ̌ήκα μ’/γιαβρί μ’] ντο βόσ̌κουν

Ας είχα και τα νεότητα μ’,
ας έμ’νε [και/ψ̌ήκα μ’] είκοσ’ χρονών -ι
[Εχ!] Το χατιρόπον [γιάβρι μ’] ντο είχα
[Εχ!] εκείνο [και] τον καιρόν -ι

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς
γιαβρί	μωρό, μικρό, παιδί	yavru
γιάβρι	μωρό, μικρό, παιδί	yavru
είν’	είναι (για πληθ.)
έμ’νε	ήμουν
έν’	είναι
έσπρυναν	άσπρισαν
εφίλεσα	φίλησα
’κ’	δεν	ουκί<οὐχί
’κι	δεν	ουκί<οὐχί
ν’ αηλί	αλίμονο	μεσαιων. ελλ. ἀλί<ἀ- + ἠλί (εβραϊκά אל)= θεός
νεότητα	νιότη, νιάτα
ντ’ άγνα	τι περίεργα; τι αλλόκοτα; τι αξιοθαύμαστα;
ξαν	πάλι, ξανά
ψ̌ήκα	ψυχούλα