Οφέτος

Προβολή Τραγουδιού

Όλια τα «αχ» τ’ εμέτερα, εγένταν τραγωδίας

Κόρη, παρακάλ’ τον Θεόν
να δί’ με και κερδίζω
Έρχουμαι και την άνοιξην
[Οφέτος, οφέτος]
εσέν χαρεντερίζω

Γράφτω γράμμαν και στείλω σε
με τα γερανοπούλια
Απέσ’ ’κι φανερώνω σε
[Οφέτος, ψ̌η μ’, οφέτος]
άι! τα μυστικά μ’ ούλια

Πουλόπο μ’, χ̌ιλιοπλούμιστον
ντ’ έμορφα κελαηδείς! -ι
Να πας ελέπ’ς τ’ αρνόπο μου
[Οφέτος, οφέτος]
χ̌αιρετίας να δί’ς -ι

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
αρνόπο	αρνάκι, χαϊδευτική προσφώνηση γυναίκας
δί’	δίνει
δί’ς	δίνεις
ελέπ’ς	βλέπεις
έμορφα	όμορφα
έρχουμαι	έρχομαι
’κι	δεν	οὐκί<οὐχί
ούλια	όλα
οφέτος	φέτος
παρακάλ’	(προστ.) παρακάλεσε
πουλόπο	πουλάκι
χ̌αιρετίας	χαιρετίσματα
χαρεντερίζω	χαροποιώ, ψυχαγωγώ
ψ̌η	ψυχή