Πέντε παπόρια εκάτσανε

Προβολή Τραγουδιού

Στιχουργοί: Γιώργος Αμαραντίδης, Παραδοσιακό

Καλλιτέχνες: Γιώργος Αμαραντίδης, Ηλίας Υφαντίδης

Πέντε παπόρι͜α εκάτσανε
αντίκρυ σην Δι͜αφνούνταν
Και ο βαλής εκούιζεν
«Θα κρούγ’ν’ την Τραπεζούνταν»

Και τον χαμάλ’ εφόρτωσεν
τη σαραΐ’ τεφτέρι͜α
Αν έρ’ται ο δεξάμενον
θα ’ίν’νταν σιλευτέρι͜α
Αν έρχουντανε οι Ρουσάντ’
θα ’ίν’νταν σιλευτέρι͜α

Οσμάν-αγά, Οσμάν-αγά
κατήβασον το φέσι σ’
Έχ̌’ κι έρχουντανε οι Καζάκ’
θα κόφτ’νε το νεφές ι-σ’

Έχ̌’ κι έρχουντανε οι Ρουσάντ’,
σην Πόλ’ θέλ’νε να πάνε
κι ας σην Κωνσταντινούπολην
τους άπιστους να χάν’νε

Να ’μπαίν’νε σην Αγια-Σοφιάν
τα καμπάνας να κρούγ’νε
κι οι ψαλτάδες να ψάλλ’νε
κι εσέν να προσ̌κυνούνε

Ο Ρούσον έσυρεν το τόπ’
κι η θάλασσα εσείεν
κι ο βαλής ας σον φόβον ατ’
τον μολάν ετυλίεν

Γλωσσάρι

Κείμενο	Επεξήγηση	Ετυμ. Ρίζα
δεξάμενον	ανάδοχος, νονός
εκούιζεν	φώναζε, λαλούσε, καλούσε κπ ονομαστικά
έρ’ται	έρχεται
έρχουντανε	έρχονται
εσείεν	σείστηκε
έσυρεν	έσυρε, τράβηξε, έριξε
ετυλίεν	τυλίχθηκε
έχ̌’	έχει
έχ̌’ κι έρχουντανε	είναι στον ερχομό
θέλ’νε	θέλουν
’ίν’νταν	γίνονται
καμπάνας	(ον.πληθ., τα) καμπάνες
κατήβασον	(προστ.) κατέβασε
κρούγ’ν’	χτυπούν	κρούω
κρούγ’νε	χτυπούνε	κρούω
μολάν	ανώτερος μουσουλμάνος κληρικός
’μπαίν’νε	(εμπαίν’νε) μπαίνουν
νεφές	αναπνοή	nefes
παπόρι͜α	βαπόρια, καράβια	vapore
σιλευτέρι͜α	σφουγγαρόπανα
τεφτέρι͜α	σημειωματάρια, τετράδια	defter
χάν’νε	χάνουν, παύουν να έχουν, διώχνουν
ψάλλ’νε	ψάλλουν