Σάντα

Προβολή Τραγουδιού

Καλλιτέχνες: Αλεξάνδρα Ασλανίδου, Τάκης Ιωαννίδης

Σαντά, θυμούμαι τα ραχ̌ι͜ά σ’
και -ν- όλα τα χωρία
Την ψ̌ην εμουν εδίναμε
για την ελευθερία

Και ση Σάντας τα ραχ̌ία
ποντιόπουλα
Και ση δείσαν μαθεμένα
αετόπουλα

Ατόσα χρόνια εδέβανε
και για τ’ εσέναν λέω
Σαντά, πάντα θυμούμαι σε,
αναστορώ και κλαίω

Και ση Σάντας τα ραχ̌ία
ποντιόπουλα
Και ση δείσαν μαθεμένα
αετόπουλα

Ση Σάνταν επολέμαναν
με το σταυρόν σα χ̌έρι͜α
Τούρκον ’κ’ ελογαρίαζαν
ας είχαν και μαχ̌αίρι͜α

Και ση Σάντας τα ραχ̌ία
ποντιόπουλα
Και ση δείσαν μαθεμένα
αετόπουλα

Σαντά μ’, εφέκες όνομαν,
εφέκες ιστορίαν
Ατά όλια να γράφκουνταν
ση σχολεί’ τα βιβλία

Και ση Σάντας τα ραχ̌ία
ποντιόπουλα
Και ση δείσαν μαθεμένα
αετόπουλα

Γλωσσάρι

Κείμενο	Επεξήγηση	Ετυμ. Ρίζα
αναστορώ	θυμάμαι, αναπολώ
ατά	αυτά
δείσαν	ομίχλη	δεῖσα=υγρασία, λάσπη, βρωμιά
εδέβανε	(για τόπο) πέρασαν, διέσχισαν (για χρόνο) πέρασαν	διαβαίνω
ελογαρίαζαν	λογάριαζαν, υπολόγιζαν
εμουν	μας
επολέμαναν	πολεμούσαν, μτφ. προσπαθούσαν
εφέκες	άφησες
θυμούμαι	θυμάμαι
’κ’	δεν	οὐκί<οὐχί
μαθεμένα	μαθημένα
όλια	όλα
ραχ̌ι͜ά	ράχες, βουνά
ραχ̌ία	ράχες, βουνά
χωρία	χωριά
ψ̌ην	ψυχή