Προβολή Τραγουδιού
Ερίζωσες απέσ’ σην ψ̌η μ’ |
Ερίζωσες απέσ’ σην ψ̌η μ’Στιχουργοί: Τάκης Ιωαννίδης
Συνθέτες: Τάκης Ιωαννίδης
Καλλιτέχνες: Αλεξάνδρα Ασλανίδου, Τάκης Ιωαννίδης
Τ’ ομμάτι͜α σ’ με τ’ ομματόπα μ’ και -ν- όντας ανταμούνταν Παρχάρι͜α ντο ’κ’ έχ’νε χορτάρ’ τραντάφυλλα γομούνταν Όντας τερώ σον πρόσωπο σ’ τ’ ομμάτι͜α μ’ χαντυλλι͜άουν Θέλω να καλατσ̌εύω σε τα λόγια μ’ κορδυλι͜άουν Τέρω τερώ και ’κ’ επορώ τα ψ̌ήα σ’ να χορτάζω Σο γιάνι μ’ όντας ’κ’ έχω σε, βαθέα αναστενάζω Ερίζωσες απέσ’ σην ψ̌η μ’ ση καρδι͜άς τα κλαδία Ένοιξες με μαύρον γεράν, ’κι λαρούται καμίαν
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| ανταμούνταν | ανταμώνουν | ||
| απέσ’ | μέσα | ||
| βαθέα | βαθιά | ||
| γεράν | πληγή, τραύμα | yara | |
| γιάνι | πλάι, πλευρό | yan | |
| γομούνταν | γεμίζουν, βουρκώνουν, κομπιάζουν | ||
| ένοιξες | άνοιξες | ||
| επορώ | μπορώ | ||
| έχ’νε | έχουνε | ||
| ’κ’ | δεν | οὐκί<οὐχί | |
| καλατσ̌εύω | μιλάω, συνομιλώ, συζητώ | keleci=καλός λόγος (Παλαιά Τουρκική Ανατολίας) | |
| καμίαν | ποτέ | ||
| ’κι | δεν | οὐκί<οὐχί | |
| κορδυλι͜άουν | γίνονται κόμπος, μπλέκονται, περιπλέκονται | κορδύλη (=ρόπαλο, εξόγκωμα) | |
| λαρούται | γιατρεύεται, θεραπεύεται | ||
| ομμάτι͜α | μάτια | ||
| ομματόπα | ματάκια | ||
| όντας | όταν | ||
| παρχάρι͜α | ορεινοί τόποι θερινής βοσκής | ||
| τερώ | κοιτώ | ||
| τραντάφυλλα | τριαντάφυλλα | ||
| χαντυλλι͜άουν | γαργαλιούνται, μτφ. θαμπώνονται | ||
| χορτάζω | χορταίνω | ||
| χορτάρ’ | χορτάρι | ||
| ψ̌η | ψυχή | ||
| ψ̌ήα | ψυχές, η περιοχή του στέρνου, τα εσώψυχα |
