Ήντζαν την εγάπ’ σκοτών’

Προβολή Τραγουδιού

Συνθέτες: Γιώργος Στεφανίδης, Παραδοσιακό

Καλλιτέχνες: Γιώργος Στεφανίδης, Κώστας Σιαμίδης

Ήντζαν την εγάπ’ σκοτών’
δύο ψ̌όπα θανατών’
Ορφανίζ’ δύο καρδίας,
έν’ διπλός εγκληματίας

Έρθα κι εταγιάνεψα
μίαν ’κ’ επουσ̌μάνεψα
Μίαν κι άλλο αν εζήν’να
ξαν ντ’ εποίκα θα εποίν’να

Ήντζαν την εγάπ’ προδών’
δύο καρδί͜ας φυλακών’
Τη καρδίας ο προδότες
έν’ τη ψ̌ης ο καταδότες

Έρθα κι εταγιάνεψα
μίαν ’κ’ επουσ̌μάνεψα
Μίαν κι άλλο αν εζήν’να
ξαν ντ’ εποίκα θα εποίν’να

Έναν έτον σην ζωή μ’
η εγάπ’ κι η καμονή μ’
Είμαι τη τσ̌ιγμάτ’¹, εξέρω,
κι όσο ζω θα υποφέρω

Έρθα κι εταγιάνεψα
μίαν ’κ’ επουσ̌μάνεψα
Μίαν κι άλλο αν εζήν’να
ξαν ντ’ εποίκα θα εποίν’να

Γλωσσάρι

Κείμενο	Επεξήγηση	Ετυμ. Ρίζα
εγάπ’	αγάπη
εζήν’να	ζούσα
έν’	είναι
εποίκα	έκανα, έφτιαξα	ποιέω-ῶ
εποίν’να	έκανα, έφτιαχνα	ποιέω-ῶ
επουσ̌μάνεψα	μετάνιωσα	pişman olmak<paşmān
έρθα	ήρθα
εταγιάνεψα	απόκαμα, ξέμεινα από αντοχές, πλησίασα τόσο ώστε να ακουμπάω	dayanmak
έτον	ήταν
ήντζαν	οποιοσδήποτε, όποιος / οποιονδήποτε, όποιον
’κ’	δεν	οὐκί<οὐχί
καμονή	καημός
καρδί͜ας	καρδιές
καρδίας	(τη, γεν.) καρδιάς, (τα, ονομ. πληθ.) καρδιές
καταδότες	καταδότης
μίαν	μια φορά
μίαν κι άλλο	άλλη μια φορά
ξαν	πάλι, ξανά
προδότες	προδότης
τσ̌ιγμάτ’	λύπηση, συμπόνια για τη δυστυχία άλλου	acıma
φυλακών’	φυλακίζει
ψ̌ης	ψυχής
ψ̌όπα	ψυχούλες

Σημειώσεις

¹ (εκφ.) Είμαι για λύπηση