Απάν’ σ’ άλογο μ’

Προβολή Τραγουδιού

Καλλιτέχνες: Αχιλλέας Βασιλειάδης, Βασίλης Μουρτιάδης

Απάν’ σ’ άλογο μ’ είμαι, [νε άμαν]
τριαντάφυλλον είμαι [αμάν]
Έπαρ’ κι εμέν μετ’ εσέν, [νε άμαν]
βασιλόπουλον είμαι [αμάν]

[Αμάν] Μέντσον, πουλί μ’, κι έπαρ’ με -ν- σην οντά σ’
[Αμάν] Αγκαλιάστ’ και φίλ’ με, ρίζα μ’, μ’ ερωτάς!
[Αμάν] Μ’ ερωτάς! Πουλί μ’, μ’ ερωτάς

Έι! λεμόν’, λεμόν’, λεμόν’, [νε άμαν]
το πόι σ’ άμον τ’ εμόν [άμαν]
Άγγελος θα ’ίνουμαι, [νε άμαν]
θα παίρω την ψ̌ην τ’ εσόν [αμάν]

[Αμάν] Μέντσον, πουλί μ’, κι έπαρ’ με -ν- τον τσ̌αρτσ̌ήν,
[Αμάν] θα φορίζω σε -ν- με τ’ αρσ̌ίν

Έλα, ποδεδίζω σε, [νε άμαν]
ψένω ωβόν και δίγω σε [αμάν]
Αν ωρι͜άεις καλά τα ζα, [νε άμαν]
τη Λαμπρήν θ’ αντρίζω σε [αμάν]

[Αμάν] Όντες έρχουμαι σην πόρτα σ’, άνοιξον,
πουλί μ’, άνοιξον
Με τον κύρη σ’ και τη μάνα σ’, τάβιξον,
ρίζα μ’/ψ̌ήκα μ’/πουλί μ’, τάβιξον!

Γλωσσάρι

Κείμενο	Επεξήγηση	Ετυμ. Ρίζα
αγκαλιάστ’	(προστ.) αγκάλιασε
άμον	σαν, όπως, καθώς	ἅμα
άνοιξον	(προστ.) άνοιξε
αντρίζω	βρίσκω άντρα, παντρεύω/ομαι
απάν’	πάνω
αρσ̌ίν	πήχης, μονάδα μέτρησης ίση με 68 εκ., όργανο της εποχής από σίδηρο, χάλυβα ή ξύλο που μετρούσαν σύμφωνα με αυτό το μέτρο μήκους	arşın<arişn
δίγω	δίνω
εμόν	δικός/ή/ό μου	ἐμοῦ
έπαρ’	(προστ.) πάρε
έρχουμαι	έρχομαι
ερωτάς	ρωτάς
εσόν	δικός/ή/ό σου
ζα	ζώα
’ίνουμαι	γίνομαι
μέντσον	(προστ.) ειδοποίησε, στείλε μήνυμα, πληροφόρησε, παρήγγειλε	μηνύω
μετ’	μαζί με (με αιτιατική), με (τρόπος)
οντά	δωμάτιο	oda
όντες	όταν
παίρω	παίρνω
ποδεδίζω	(ενεργ. και μέση) χαίρομαι, απολαμβάνω, προσκυνώ	από+δέδιν (<δείδω=φοβάμαι, ανησυχώ)
ποδεδίζω σε	να σε χαρώ	από+δέδιν (<δείδω=φοβάμαι, ανησυχώ)
πόι	ύψος, μπόι	boy
τάβιξον	(προστ.) μάλωσε, φιλονίκησε, επίπληξε	dava/daʿvā
τσ̌αρτσ̌ήν	έμπορο της αγοράς, γυρολόγο	çerçi
φίλ’	(προστ. φιλώ) φίλα, (πληθ. φίλον) φίλοι
φορίζω	φοράω κτ σε κπ, ντύνω
ψένω	ψήνω
ψ̌ήκα	ψυχούλα
ψ̌ην	ψυχή
ωβόν	αβγό
ωρι͜άεις	προσέχεις, φυλάς, επιβλέπεις