Προβολή Τραγουδιού

Μικρίκον τσιβαΐρτασιν

Μικρίκον τσ̌ιβαΐρτασ̌ιν,
πώς έχασες την υεία σ’;
Ποίος θα σύρ’ την καμονή σ’
και την αροθυμία σ’;

Τ’ εμόν η καρδι͜ά, καρδι͜ά έν’
τ’ εσόν, πουλί μ’, ελλάεν
Σοι δύ’ς εμουν ανάμεσα
κάποιος εταράεν

Και η τεπέ μ’ εκάπνιξεν
κι εθόλωσεν τ’ αχούλι μ’
Πάτ’ αλλομίαν το μαχ̌αίρ’
-ν- ας ησυχάζω, πουλί μ’

Κάτινος κρίματα σύρω,
κάτινος αμαρτίας
Σύρω τσ’ εγάπ’ς τα κρίματα
τσ’ εγάπ’ς τ’ αροθυμίας

Γλωσσάρι

Κείμενο	Επεξήγηση	Ετυμ. Ρίζα
αλλομίαν	άλλη μια φορά
αροθυμία	νοσταλγία
αροθυμίας	νοσταλγίας (γεν.), νοσταλγίες (πληθ.)
αχούλι	μυαλό	akıl/ʿaḳl
δύ’ς	δύο
εγάπ’ς	αγάπης
ελλάεν	άλλαξε
εμόν	δικός/ή/ό μου	ἐμοῦ
εμουν	μας
έν’	είναι
εσόν	δικός/ή/ό σου
εταράεν	ταράχθηκε, ανακατεύτηκε, μπερδεύτηκε, αναμίχθηκε
καμονή	καημός
μαχ̌αίρ’	μαχαίρι
μικρίκον	μικρούλης/α/ικο
πάτ’	πάτησε, πάτα
σοι	στους/στις
σύρ’	σύρω/ει, τραβάω/ει, ρίχνω/ει
σύρω	σέρνω, τραβώ, ρίχνω
τεπέ	κορυφή	tepe
τσ’	(ως τση, άρθρο γεν. ενικού) του/της, (ως τσοι, άρθρο αιτ. πληθ.) τις, (ως ερωτημ. τσί;) ποιός;
τσ̌ιβαΐρτασ̌ιν	πολύτιμος λίθος, διαμάντι	cevahir/cevāhir + taş
υεία	υγεία