Ντ’ εποίκαν οι ποπάδες

Προβολή Τραγουδιού

Ας λέγω σας, νε παιδία,
ντ’ εποίκαν οι ποπάδες
Εφέκαν τ’ ευαγγέλια
κι ερρούξαν σοι νυφάδες

Ας λέγω σας, νε παιδία,
και τη ποπά το θάμαν
Την ποπαδίαν έκλεψεν
με το γεργάν’ εντάμα

Ο ποπάς με τον γάιδαρο
λάσ̌κεται τα χωρία
Εσκοτώθεν και –ν- αραεύ’
ατός την ποπαδία

Έλα, έλα, ποπαδία,
έλα σ’ εμόν την λαλίαν
Ας τραγωδούμ’ και χ̌αίρουμες
και πολλά μερακλία

Η ποπαδία εκρύφκουτουν
αφκακέσ’ σα ορμία
Ο ποπάς επαλαλώθεν
Κι εντώκεν σα ραχ̌ία

Έλα, έλα, ποπαδία,
έλα σ’ εμόν την λαλίαν
Ας τραγωδούμ’ και χ̌αίρουμες
και πολλά μερακλία

Γλωσσάρι

Κείμενο	Επεξήγηση	Ετυμ. Ρίζα
αραεύ’	ψάχνω/ει, αναζητώ/άει, γυρεύω/ει	aramak
ατός	αυτός
αφκακέσ’	κάτω πέρα
γεργάν’	πάπλωμα	yorgan
εκρύφκουτουν	κρυβόταν
εμόν	δικός/ή/ό μου	ἐμοῦ
εντάμα	μαζί
εντώκεν	χτύπησε
επαλαλώθεν	τρελάθηκε
εποίκαν	έκαναν, έφτιαξαν	ποιέω-ῶ
ερρούξαν	έπεσαν
εσκοτώθεν	σκοτώθηκε
εφέκαν	αφήσαν
θάμαν	θαύμα
λαλίαν	λαλιά, φωνή
λάσ̌κεται	περιφέρεται, τριγυρνά, περιπλανιέται	ἀλάομαι/ηλάσκω
μερακλία	με μεράκι, με ιδιαίτερο ζήλο	meraklı/merāḳ
νυφάδες	νύφες
ορμία	ρυάκια, ρεματιές
παιδία	παιδιά
πολλά	(επίθ.) πολλά, (επίρρ.) πολύ
ποπά	παπά
ποπάδες	παπάδες
ποπαδία	παπαδιά
ποπαδίαν	παπαδιά
ποπάς	παπάς
ραχ̌ία	ράχες, βουνά
σοι	στους/στις, τους/τις
τραγωδούμ’	τραγουδάμε
χ̌αίρουμες	χαιρόμαστε
χωρία	χωριά