Ποντιακός Στίχος

Προβολή Τραγουδιού

Ξεριζωμένοι Πόντιοι

Μνήμη γενοκτονίας ΠόντουΜνήμη γενοκτονίας Πόντου

Στιχουργοί: Γιώργος Αμαραντίδης

Συνθέτες: Γιώργος Αμαραντίδης

Καλλιτέχνες: Γιώργος Αμαραντίδης


Ξεριζωμένοι Πόντιοι
φεύ’νε -ν- ας σην πατρίδαν
και σην Ελλάδαν την μάναν
έχ’νε τρανόν ελπίδαν

Εξέγκαν ατ’ς σα παπόρι͜α 
κι ας σην πατρίδαν φεύ’νε
Πώς να χάν’νε τα μέρι͜α τουν
είνας τον άλλον λέγ’νε

Εξέβαν απάν’ σο παπόρ’
εκρέμασαν την λέντα
Κλώσκουνταν και τερούν οπίσ’
τα μέρι͜α τουν ’κι φαίν’νταν

Έρημος απέσ’ σα μακρά
ας σ’ όλι͜α τα μερέας
Ο Πόντιον όσον θα ζει
θα έν’ παραπονέας

Π’ επρόφτασανε έφυγαν
και με τη ψ̌ην σο στόμαν
Κλίσκουνταν κα’ και φιλούνε
τη Ελλάδας το χώμαν
Γλωσσάρι
ΚείμενοΕπεξήγησηΕτυμ. ΡίζαΠροέλευση
απάν’πάνω
απέσ’μέσα
ας σ’(ας σου) από του, από τότε που/αφότου, (ας σο) από το/τα
ατ’ςαυτής, της
είναςένας/μία
έν’είναι
εξέβανβγήκαν
εξέγκανέβγαλαν
έχ’νεέχουνε
κα’κάτω
’κιδεν ουκί<οὐχί
κλίσκουντανσκύβουν, κλίνουν
κλώσκουντανγυρίζουν, επιστρέφουν
λέγ’νελένε
λέντακορδέλα лента
μακρά(επιρρ.) μακριά, απομακρυσμένα
μερέαςμεριές
μέρι͜αμέρη
οπίσ’πίσω
παπόρ’βαπόρι, καράβι vapore
παπόρι͜αβαπόρια, καράβια vapore
τερούνκοιτούν
τουντους
φαίν’ντανφαίνονται
φεύ’νεφεύγουν
χάν’νεχάνουν, παύουν να έχουν, διώχνουν
ψ̌ηνψυχή

Ποντιακός Στίχος - Pontian Lyrics 2024

Τραγούδια: 7896 | Albums/Singles: 1138 | Συντελεστές: 1550 | Λήμματα: 13042
Επικοινωνία: infoDUMMY@pontianlyrics.gr