Λεμόνα

Προβολή Τραγουδιού

Σίτι͜α επέ’να ομάλια - ομάλια
είδα ορμάνια και λιβάδα̤
Και ση λιβαδί’ σην άκραν
έστεκεν δεντρόν και μέγαν

Τα νεράντζι͜α φορτωμένα
Έπλωσα να παίρω έναν

Έπλωσα να παίρω έναν
εχολιάστεν η Λεμόνα

-Ντό χολιάσ̌κεσαι, Λεμόνα;
Πας̌ κι ετσάκωσα κλαδόπον;

Κι αν ετσάκωσα κλαδόπον
να τσακούται το χ̌ερόπο μ’

Κι αν εμάρανα φυλλόπον
να μαραίνεται το ψ̌όπο μ’

Γλωσσάρι

Κείμενο	Επεξήγηση	Ετυμ. Ρίζα
άκραν	άκρη, αρχή
εμάρανα	έκανα κτ να μαραθεί
έπλωσα	άπλωσα, έτεινα
ετσάκωσα	έσπασα
εχολιάστεν	θύμωσε, αγανάκτησε
κλαδόπον	κλαδάκι, μτφ. απόγονος
λιβάδα̤	λιβάδια
λιβαδί’	λιβαδιού
ομάλια	ομαλοί δρόμοι, ευθείες, πεδιάδες, ομαλά (επίρρ)
ορμάνια	δάση	orman
παίρω	παίρνω
πας̌	μήπως, μπας και, είναι δυνατόν, μην τύχει (και)	μήν πᾶς
σίτι͜α	καθώς, ενώ	σόταν<εις όταν
τσακούται	σπάει
φυλλόπον	φυλλαράκι
χ̌ερόπο	χεράκι
χολιάσ̌κεσαι	θυμώνεις, αγανακτάς
ψ̌όπο	ψυχούλα