Ποντιακός Στίχος

Προβολή Τραγουδιού

Κατεβάστε τους στίχους σε PDF

Ακρίτας

Ελαίαν ερίζωσενΕλαίαν ερίζωσεν

Στιχουργοί: Παραδοσιακό

Συνθέτες: Παραδοσιακό

Καλλιτέχνες: Αλέξανδρος Παρχαρίδης, Κώστας Αγέρης


Ακρίτας όντας έλαμνεν
σην παραποταμέαν
Επέγ’νεν κι έρ’τον κι έλαμνεν
την ώρα πέντ’ αυλάκια
Επέγ’νεν κι έρ’τον κι έσπερνεν
εννέα κότι͜α σπόρον

Έρθεν πουλίν κι εκόνεψεν
ση ζυγονί’ την άκραν
Σ’κούται και καλοκάθεται
ση ζυγονί’ την μέσεν

-Οπίσ’, πουλίν! Οπίσ’, πουλίν!
μη τρως τη βουκεντρέαν
Και το πουλίν ’κελάηδεσεν
σαν ανθρωπί’ λαλία

Ακρίτα μου ντό κάθεσαι,
ντό στέκεις και περ’μένεις;
Το ένοικο σ’ εχάλασαν
και την κάλη σ’ επέραν

Τ’ όλον καλλίον τ’ άλογο σ’
στρών’νε και καβαλ’κεύ’νε
και τ’ άλλα τα καθέτερα
στέκ’νε και χλιμιντρίζ’νε

Ακρίτας παραθύμωσεν,
Ακρίτας εθερέθεν
Γλωσσάρι
ΚείμενοΕπεξήγησηΕτυμ. ΡίζαΠροέλευση
άκρανάκρη, αρχή
ανθρωπί’ανθρώπου
βουκεντρέανχτύπημα με ξύλινη βέργα (βουκέντρα) που χρησιμοποιούταν από τους αγρότες κατά τη διάρκεια οργώματος με βόδια και η οποία στη μία άκρη είχε μεταλλική βάση για να καθαρίζουν το αλέτρι και στην άλλη της άκρη ήταν αιχμηρή, ούτως ώστε να κεντρίζει τα βόδια
εθερέθενεξαγριώθηκε
εκόνεψενεγκαταστάθηκε, φώλιασε, προσγειώθηκε konmak
έλαμνενόργωνε λάμνω
ένοικοσπίτι, οικία
επέγ’νενπήγαινε, προχωρούσε, έφευγε
επέρανπήραν
έρθενήρθε
έρ’τονερχόταν
ζυγονί’ζυγού
καθέτερακατώτερα
κάληη αγαπητή σύζυγος, η σύζυγος
καλλίον(επίθ.) καλύτερο, (επίρ.) καλύτερα
κότι͜αμονάδα μέτρησης για δημητριακά
λαλίαλαλιά, φωνή
μέσενμέση
όνταςόταν
οπίσ’πίσω
παραποταμέανπαραποτάμιος τόπος
περ’μένειςπεριμένεις
σ’κούταισηκώνεται
στέκ’νεστέκουν
στρών’νεστρώνουν, ζεύουν

Ποντιακός Στίχος - Pontian Lyrics 2025

Τραγούδια: 9665 | Albums/Singles: 1749 | Συντελεστές: 2000 | Λήμματα: 15816
Επικοινωνία: infoDUMMY@pontianlyrics.gr