Η Λεμόνα

Προβολή Τραγουδιού

Καλλιτέχνες: Κωνσταντίνος Σωπιάδης, Νίκος Σαββίδης, Παναγιώτης Κυριακίδης

Σίτα̤ επέ’να ’μάλα̤ - ’μάλα̤
είδα κάμπους και λιβάδα̤

Και ση λιβαδί’ την άκραν
είδα μήλα, πορτοκάλι͜α

Έπλωσα να παίρω έναν,
εχολι͜άστεν η Λεμόνα

-Ντό χολι͜άσ̌κεσαι, Λεμόνα;
Πώς θα εφτάνω σε, Λεμόνα;

Αν ετσάκωσα κλαδόπον
να τσακούται το χ̌ερόπο μ’

Κι αν επήρα έναν μήλον
να μαραίνουμαι άμον φύλλον

Γλωσσάρι

Κείμενο	Επεξήγηση	Ετυμ. Ρίζα
άκραν	άκρη, αρχή
άμον	σαν, όπως, καθώς	ἅμα
έπλωσα	άπλωσα, έτεινα
ετσάκωσα	έσπασα
εφτάνω	φτάνω
εχολι͜άστεν	θύμωσε, αγανάκτησε
κλαδόπον	κλαδάκι, μτφ. απόγονος
λιβάδα̤	λιβάδια
λιβαδί’	λιβαδιού
παίρω	παίρνω
σίτα̤	καθώς, ενώ	σόταν<εις όταν
τσακούται	σπάει
χ̌ερόπο	χεράκι
χολι͜άσ̌κεσαι	θυμώνεις, αγανακτείς