Έμπορας

Ας εθυμούμες τα παλαία
ντο εποίν’ναν οι εμπόρ’
Τσ̌άπαν επαίρ’ναν τον καπνόν
ας σο κάθε καπνοχώρ’

Έμπορας έτον αΐκος,
σον καπνόν εδίν’νεν είκοσ’
Ατό έν’ τιμή γιαγλί!
Τσ̌άπαν το Μπασή Μπαγλή!¹

Ας εθυμούμες εκείν’ τα χρόνι͜α,
πώς ετοπλάευαν το βίον
Όσα επαίρ’ναν οι εμπόρ’
’κ’ επαίρ’νεν όλεν το χωρίον

Έμπορας έτον αΐκος,
σον καπνόν εδίν’νεν είκοσ’
Ατό έν’ τιμή γιαγλί!
Τσ̌άπαν το Μπασή Μπαγλή!¹

Κρού’ν σο νου μ’ εκείν’ τα χρόνι͜α
πώς επέρνιζαν τ’ ημ’σά;
Τ’ άλλα τα ημ’σά πα εδίν’ναν βρούλαν
σο χωρίον οξ̌ωκά

Έμπορας έτον αΐκος,
σον καπνόν εδίν’νεν είκοσ’
Ατό έν’ τιμή γιαγλί!
Τσ̌άπαν το Μπασή Μπαγλή!¹