Προβολή Τραγουδιού
Εθάρρεσεν εμόρφυνεν |
Τα έμορφαΣτιχουργοί: Νίκος Ζουρνατζίδης
Συνθέτες: Αδάμ Αποστολίδης
Καλλιτέχνες: Αδάμ Αποστολίδης
Εθάρρεσεν εμόρφυνεν μετ’ ατό το λετσ̌έκι Το εύκαιρον και το τσ̌ουβάλ’ σα ποδάρι͜α ’κι στέκει Εσύ πέ’ ατεν ήνταν θέλτς, «όχι» ντό έν’, ’κ’ εξέρει Ας σ’ αρνικόν τον γάιδαρον γάλαν εβγάλ’ και παίρει Απέξ’ το μήλον κόκκινον, απέσ’ έν’ σαπεμένον Ο πρόσωπος ι-σ’ παρλαεύ’ το καρδόπο σ’ καμένον Ανάθεμα σε, νε σεβντά, ας σην καρδία μ’ έβγα Τα δά̤κρυ͜α μ’ ετελέθανε, εγώ την άκρα σ’ ’κ’ εύρα Παίζω το κεμεντζ̌όπο μου απάν’ σα δύο κόρδας Εγέμ’νε αποζούλ’ γαρκόν απάν’ σα ξένα πόρτας
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άκρα | άκρη | ||
| απάν’ | πάνω | ||
| απέξ’ | απέξω | ||
| απέσ’ | μέσα | ||
| αποζούλ’ | ξεευνουχισμένο, μτφ. κάτι το πρακτικά αδύνατο, ακατόρθωτο | ||
| αρνικόν | αρσενικό | ||
| ας σ’ | (ας σου) από του, από τότε που/αφότου, (ας σο) από το/τα | ||
| ατεν | αυτήν | ||
| γαρκόν | αρσενικό μοσχάρι | ||
| έβγα | (προστ.) βγες | ||
| εβγάλ’ | βγάλει | ||
| εγέμ’νε | έγινα | ||
| εθάρρεσεν | εθάρρησε, πίστεψε, νόμισε | ||
| εμόρφυνεν | ομόρφυνε | ||
| έν’ | είναι | ||
| ετελέθανε | (αμτβ.) τελείωσαν, εξαντλήθηκαν, μτφ. πέθαναν | ||
| εύκαιρον | (ουδ.) άδειο, αδειανό, (αρσ.) ανόητο, κουφιοκέφαλο | ||
| εύρα | βρήκα, (ιδιωμ. προστ.) βρες | ||
| ήνταν | οτιδήποτε, ό,τι | ||
| θέλτς | θέλεις | ||
| ’κ’ | δεν | οὐκί<οὐχί | |
| καρδόπο | καρδούλα | ||
| κεμεντζ̌όπο | (υποκορ.) λύρα | kemençe/kemānçe | |
| ’κι | δεν | οὐκί<οὐχί | |
| κόρδας | χορδές | ||
| λετσ̌έκι | γυναικείο μαντίλι που χρησίμευε ως κάλυμμα κεφαλής δεμένο σε σχήμα τριγώνου | leçek<laçak | |
| μετ’ | μαζί με (με αιτιατική), με (τρόπος) | ||
| παρλαεύ’ | λάμπει, λαμποκοπά | parlamak | |
| πέ’ | (προστ.) πες | ||
| ποδάρι͜α | πόδια | ||
| πόρτας | (ονομ.πληθ.) πόρτες | porta | |
| πρόσωπος | πρόσωπο | ||
| σαπεμένον | σαπισμένο | ||
| σεβντά | αγάπη, έρωτας | sevda/sevdā | |
| τσ̌ουβάλ’ | τσουβάλι, μεγάλος σάκος | çuval/cuvāl |
