Χριστέ μ’, να ποδεδίζω σε

Προβολή Τραγουδιού

Έταιρον κι η λυγερή | Τραγούδια του Πόντου

Καλλιτέχνες: Γιωργούλης Κουγιουμτζίδης, Μαρία Αμανατίδου-Ευσταθιάδου

Χριστέ μ’, να ποδεδίζω σε!
Βοήθα Παναΐα!
Τον προσφυγικόν τον λαό
φέρον την σωτηρίαν

Σα τόπι͜α τ’ εμετερίων,
ση Γαρσί’ κάθαν χωρίον
σα χωράφι͜α και σα ραχ̌ι͜ά
σκουντούλιζαν τα χασ̌χάσ̌ι͜α

Ση Πατομί’ και τον γιαλόν
παπόρι͜α αναμέν’νε
και τη Γαρσί’ και τον λαόν
σην Ελλάδαν θα φέρ’νε

Σα τόπι͜α τ’ εμετερίων
ση Γαρσί’ κάθαν χωρίον
σα χωράφι͜α και σα ραχ̌ι͜ά
σκουντούλιζαν τα χασ̌χάσ̌ι͜α

Χριστέ μ’, να ποδεδίζω σε
Εσύ, ποίσον το θάμαν
και σ’ όνομα Σ’, το άγιον
θ’ ευτάω τρανόν λαμπάδαν/τάμαν

Σα τόπι͜α τ’ εμετερίων
ση Γαρσί’ κάθαν χωρίον
σα χωράφι͜α και σα ραχ̌ι͜ά
σκουντούλιζαν τα χασ̌χάσ̌ι͜α

Γλωσσάρι

Κείμενο	Επεξήγηση	Ετυμ. Ρίζα
αναμέν’νε	περιμένουν, αναμένουν
Γαρσί’	(γεν.) του Καρς
εμετερίων	δικών μας	ἡμέτερος
ευτάω	κάνω, φτιάχνω	εὐθειάζω
θάμαν	θαύμα
κάθαν	κάθε
να ποδεδίζω	να χαρώ κπ
Παναΐα	Παναγιά
παπόρι͜α	βαπόρια, καράβια	vapore
Πατομί’	του Βατούμ
ποδεδίζω	(ενεργ. και μέση) χαίρομαι, απολαμβάνω, προσκυνώ	από+δέδιν (<δείδω=φοβάμαι, ανησυχώ)
ποδεδίζω σε	να σε χαρώ	από+δέδιν (<δείδω=φοβάμαι, ανησυχώ)
ποίσον	(προστ.) κάνε, φτιάξε	ποιέω, ποιῶ
ραχ̌ι͜ά	ράχες, βουνά
σκουντούλιζαν	ευωδίαζαν, μοσχοβολούσαν
τόπι͜α	τόποι, μέρη
φέρ’νε	φέρνουν
φέρον	(προστ.) φέρε
χασ̌χάσ̌ι͜α	παπαρούνες	haşhaş/ḫaşḫāş