Θεέ μ’, δος με τη δύναμη Σ’

Προβολή Τραγουδιού

Συνθέτες: Αρίστος Παπαδόπουλος, Χάρης Αθανασιάδης

Καλλιτέχνες: Κώστας Μαραντίδης, Χάρης Αθανασιάδης

Θεέ μ’, δος με τη δύναμη Σ’,
μανάχον για έναν ώραν
Τον κόσμον έν’ να βοηθώ,
τη γης όλα̤ τα χώρας

Να φάζω νηστικά μωρά,
ανθρώπους να λαρώνω
Να δίγω σ’ άψυχα ζωήν,
σοι γεροντάδες χρόνον

Να πολεμώ τον πόλεμον
και κάθε αδικίαν
Με την εγάπ’ να έγραφ’να
καινούρ’ ξαν ιστορίαν

Θεέ μ’, Εσύ συχώρα με
ντο σαν Θεός νουνίζω
Ξέρω πως είμαι άνθρωπος,
την ψ̌η μ’ σ’ Εσέν χαρίζω

Γλωσσάρι

Κείμενο	Επεξήγηση	Ετυμ. Ρίζα	Προέλευση
δίγω	δίνω
δος	δώσε
εγάπ’	αγάπη
έγραφ’να	έγραφα
έν’	είναι
καινούρ’	καινούριο/α
λαρώνω	γιατρεύω, θεραπεύω
μανάχον	(έναρθρο) μοναχός, μοναχό, (επίρρ) μόνο/μοναχά
νουνίζω	σκέφτομαι
ξαν	πάλι, ξανά
σοι	στους/στις, τους/τις
φάζω	ταΐζω
χώρας	ξένος/η/ο/οι γενικά, οι/το/τα μη οικείο/α, ξενιτειάς
ψ̌η	ψυχή