Προβολή Τραγουδιού
Λύουμαι ας ση σεβντά σ’ |
Λύουμαι ας ση σεβντά σ’Στιχουργοί: Θοδωρής Ναλμπαντίδης
Συνθέτες: Mahzuni Şerif
Καλλιτέχνες: Βαγγέλης Ντινόπουλος
Χόρεψον σο μεϊτάν’ πουλί μ’, τ’ έμορφον το Τας Λύουμαι ας ση σεβντά σ’ και ευτάς πως ’κ’ εγροικάς Αχ! γιαβρί μ’, αχ! πουλί μ’ επέρες τ’ αχούλι μ’ Επέρες την ψ̌ην τ’ εμόν άμον χάταλον μωρόν Ωχ! ν’ αηλί εμέν Ωχ! να βάι εμέν Λύουμαι ας ση σεβντά σ’, άκ’σον την καϊτέ μ’ Τ’ ομμάτι͜α σ’ τα έμορφα τρώγ’νε το καρδόπο μου, στάζ’νε απέσ’ σο ψ̌όπο μου Αχ! ατό το τέρεμα σ’, λύουμαι ας ση σεβντά σ’ και ευτάς πως ’κ’ εγροικάς Αχ! γιαβρί μ’, αχ! πουλί μ’ επέρες τ’ αχούλι μ’ Επέρες την ψ̌ην τ’ εμόν άμον χάταλον μωρόν Ωχ! ν’ αηλί εμέν Ωχ! να βάι εμέν Λύουμαι ας ση σεβντά σ’, άκ’σον την καϊτέ μ’ Χάρτσον με έναν τέρεμα σ’, έναν έμνοστον ισ̌μάρ’ δος εμέν το παλληκάρ’ Μη τερείς απ’ αφκακέσ’ και κλαινί͜εις, ψ̌η μ’, το τοξάρ’ Αχ! γιαβρί μ’, αχ! πουλί μ’ επέρες τ’ αχούλι μ’ Επέρες την ψ̌ην τ’ εμόν άμον χάταλον μωρόν Ωχ! ν’ αηλί εμέν Ωχ! να βάι εμέν Λύουμαι ας ση σεβντά σ’, άκ’σον την καϊτέ μ’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αηλί | αλίμονο | ἀ- + μεσαιωνική ελληνική ἠλί < εβραϊκά אל (θεός) | |
| άκ’σον | (προστ.) άκουσε | ||
| άμον | σαν, όπως, καθώς | ἅμα | |
| απέσ’ | μέσα | ||
| αφκακέσ’ | κάτω πέρα | ||
| αχούλι | μυαλό | akıl/ʿaḳl | |
| γιαβρί | μωρό, μικρό, παιδί | yavru | |
| δος | δώσε | ||
| εγροικάς | καταλαβαίνεις | ||
| έμνοστον | νόστιμο | ||
| εμόν | δικός/ή/ό μου | ἐμοῦ | |
| έμορφα | όμορφα | ||
| έμορφον | όμορφο | ||
| επέρες | πήρες | ||
| ευτάς | κάνεις, φτιάχνεις | εὐθειάζω | |
| ισ̌μάρ’ | νεύμα, νόημα | işmar/նշմար | |
| ’κ’ | δεν | οὐκί<οὐχί | |
| καϊτέ | μελωδία, μουσική σύνθεση, μουσικός σκοπός | kayde | |
| καρδόπο | καρδούλα | ||
| κλαινί͜εις | κάνεις κάποιον να κλάψει, στενοχωρείς | ||
| λύουμαι | λιώνω | ||
| μεϊτάν’ | πλατεία, αλάνα | meydan/meydān | |
| ν’ αηλί | αλίμονο | μεσαιων. ελλ. ἀλί<ἀ- + ἠλί (εβραϊκά אל)= θεός | |
| ομμάτι͜α | μάτια | ||
| σεβντά | αγάπη, έρωτας | sevda/sevdā | |
| στάζ’νε | στάζουνε | ||
| Τας | ονομασία αντικρυστού ποντιακού χορού | ||
| τερείς | κοιτάς | ||
| τέρεμα | βλέμμα | ||
| τοξάρ’ | δοξάρι | ||
| τρώγ’νε | τρώνε | ||
| χάρτσον | (προστ.) χάρισε | ||
| χάταλον | μωρό, παιδί | ἀταλός | |
| χόρεψον | (προστ.) χόρεψε | ||
| ψ̌η | ψυχή | ||
| ψ̌ην | ψυχή | ||
| ψ̌όπο | ψυχούλα |
