Προβολή Τραγουδιού
Αρ’ ατώρα χ̌ερομύλτσον |
Έταιρον κι η λυγερή | Τραγούδια του ΠόντουΣτιχουργοί: Παραδοσιακό
Συνθέτες: Παραδοσιακό
Καλλιτέχνες: Ηλίας Αραβίδης, Στάθης Ευσταθιάδης
Απέσ’ ι-μ’ έχω μάστορα μαθίζ’ με τραγωδίας Απ’ ένα-ένα λέγ’ ατα και καίγω την καρδία σ’ Αρ’ ατώρα χ̌ερομύλτσον, βάλεν έναν βούραν κι άλλο Το δαχτυλίδ’ ντ’ εδέκες με ας σο χ̌έρι μ’ ’κ’ εβγάλλω Βρέχ̌ει βρεχ̌ήν, ’κι βρέχουμαι, διψώ νερόν ’κι πίνω Κορτσόπον, ας στα χ̌έρι͜α σου φαρμάκ’ να δί’ς με, πίνω Αρ’ ατώρα χ̌ερομύλτσον, βάλεν έναν βούραν κι άλλο Το δαχτυλίδ’ ντ’ εδέκες με ας σο χ̌έρι μ’ ’κ’ εβγάλλω Απόψ’ είδα στον όνερο μ’ όνειρο τρομαγμένο Ένα κορτσόπον έμορφο ση γούλα μ’ τυλιγμένο Αρ’ ατώρα χ̌ερομύλτσον, βάλεν έναν βούραν κι άλλο Το δαχτυλίδ’ ντ’ εδέκες με ας σο χ̌έρι μ’ ’κ’ εβγάλλω Εβράδυνεν ο βραδι͜ανόν, αψέστεν τα φωτίας Όντες ακούς τον θάνατο μ’ κωφά να είν’ τ’ ωτία σ’ Αρ’ ατώρα χ̌ερομύλτσον, βάλεν έναν βούραν κι άλλο Το δαχτυλίδ’ ντ’ εδέκες με ας σο χ̌έρι μ’ ’κ’ εβγάλλω
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| απέσ’ | μέσα | ||
| ατα | αυτά | ||
| ατώρα | τώρα | ||
| αψέστεν | (προστ.) ανάψτε | ||
| βάλεν | (προστ.) βάλε | ||
| βούραν | χούφτα | vola=η παλάμη του χεριού ή το πέλμα του ποδιού | |
| βραδι͜ανόν | το βράδυ | ||
| βρεχ̌ήν | βροχή | ||
| γούλα | λαιμός | gula | |
| δί’ς | δίνεις | ||
| εβγάλλω | βγάζω | ||
| εβράδυνεν | βράδιασε | ||
| εδέκες | έδωσες | ||
| είν’ | (για πληθ.) είναι | ||
| έμορφο | όμορφο | ||
| ’κ’ | δεν | οὐκί<οὐχί | |
| ’κι | δεν | οὐκί<οὐχί | |
| κορτσόπον | κοριτσάκι | ||
| κωφά | κουφά | ||
| μαθίζ’ | μαθαίνω/ει κτ σε κπ, διδάσκει | ||
| όνερο | όνειρο | ||
| όντες | όταν | ||
| τραγωδίας | τραγούδια | ||
| φωτίας | (γεν.ενικ.) φωτιάς, (ον.πληθ., τα) φωτιές | ||
| χ̌ερομύλτσον | (προστ.) άλεσε με τον χερόμυλο | ||
| ωτία | αυτιά |
