Εκείν’ το πέραν τα ραχιά

Προβολή Τραγουδιού

Καλλιτέχνες: Γεώργιος Βέργος, Λευτέρης Κοκκινίδης

Ραχ̌ι͜ά, λαγκάδι͜α και κλαδι͜ά
ανοίξτεν θα περάνω
Ωρι͜άσον παίρετε άψιμον
όντες αναστενάζω

Αείν’/Ακείν’ το πέραν τα ραχ̌ι͜ά
ατσ̌ά ντό αραεύ’νε;
Ατά που εσ̌ολίκευαν/εσ̌ολίκευεν
ατού κανείς ’κ’ επέμ’νεν

Ρομάνες ετελέθανε,
χωρίς βίον τα χάνια
Εσταμάτ’σαν να κελαηδούν
τα πουλόπα σ’ ορμάνια

Ας έξερα ποίον παρχάρτς
επέμ’νεν χ̌ι͜ονισμένον
Επέμ’νεν εκειαπάν’ τ’ αρνί μ’
και πάντα έν’ κλαμένον

Γλωσσάρι

Κείμενο	Επεξήγηση	Ετυμ. Ρίζα
αείν’	εκείνοι/α
ακείν’	εκείνα
ανοίξτεν	(προστ.) ανοίξτε
αραεύ’νε	ψάχνουν, αναζητούν, γυρεύουν	aramak
ατά	αυτά
ατού	εκεί (σε τόπο ή σημείο που βρίσκεται σε κάποιο απόσταση)
ατσ̌ά	άραγε	acep/ʿaceb
άψιμον	φωτιά
βίον	το βιος, το σύνολο των ζωντανών που έχει στην ιδιοκτησία του κάποιος, η περιουσία κάποιου
εκειαπάν’	εκεί πάνω
έν’	είναι
έξερα	ήξερα
επέμ’νεν	απόμεινε
εσ̌ολίκευαν	έδιναν χαρά, ψυχαγωγούσαν, μτφ. ζωντάνευαν	şenlenmek
ετελέθανε	(αμτβ.) τελείωσαν, εξαντλήθηκαν, μτφ. πέθαναν
’κ’	δεν	οὐκί<οὐχί
όντες	όταν
ορμάνια	δάση	orman
παίρετε	παίρνετε
παρχάρτς	ορεινός τόπος θερινής βοσκής
περάνω	περνάω
πουλόπα	πουλάκια
ραχ̌ι͜ά	ράχες, βουνά
ρομάνες	παρχαρομάνες, γυναίκες επιφορτισμένες με την επιμέλεια των ζώων και άλλες γαλακτοκομικές εργασίες στο παρχάρι (θερινό βοσκοτόπι)
ωρι͜άσον	(προστ.) πρόσεξε, φύλαξε, φυλάξου

Προβολή Τραγουδιού

Εκείν’ το πέραν τα ραχ̌ι͜ά