Χρόνια πολλά

Προβολή Τραγουδιού

Καλλιτέχνες: Γιάννης Τσιτιρίδης, Μελίνα Χατζηκαμάνου, Μιχάλης Σιώπης, Φάνης Κουρουκλίδης

Χρόνια πολλά, χρόνια καλά
και κάθε επιθυμίαν!
Να ’ίνεται αληθινόν
χαράν και ευτυχίαν!

♫

Εσείς που εορτάζετεν
οσήμερον, να ζείτεν!
Σα χ̌έρι͜α σουν παντέμορφα
τσ̌ιτσ̌έκια να κρατείτεν

Χρόνια πολλά, χρόνια καλά
και κάθε επιθυμίαν!
Να ’ίνεται αληθινόν
χαράν και ευτυχίαν!

Τα χείλι͜α πάντα να γελούν
έμορφα, χαρεμένα
Και εκατό τα χρόνια σουν
να είν’ κι ευτυχισμένα

Χρόνια πολλά, χρόνια καλά
και κάθε επιθυμίαν!
Να ’ίνεται αληθινόν
χαράν και ευτυχίαν!

Τιδέν να μη νουνίζετε,
χορόν και τραγωδίαν
Κάθαν ημέραν ’κ’ εορτά͜εις,
τον χρόνον μόνον μίαν

Χρόνια πολλά, χρόνια καλά
και κάθε επιθυμίαν!
Να ’ίνεται αληθινόν
χαράν και ευτυχίαν!

Γλωσσάρι

Κείμενο	Επεξήγηση	Ετυμ. Ρίζα
είν’	(για πληθ.) είναι
έμορφα	όμορφα
εορτά͜εις	γιορτάζεις
εορτάζετεν	γιορτάζετε
’ίνεται	γίνεται
’κ’	δεν	οὐκί<οὐχί
κάθαν	κάθε
κρατείτεν	κρατάτε
μίαν	μια φορά
οσήμερον	σήμερα
παντέμορφα	πανέμορφα
πολλά	(επίθ.) πολλά, (επίρρ.) πολύ
σουν	σας
τιδέν	τίποτα
τραγωδίαν	τραγούδι
τσ̌ιτσ̌έκια	λουλούδια	çiçek
χαρεμένα	χαρούμενα