Η μέρμηκα

Προβολή Τραγουδιού

Η Μέρμηκα, η Μέρμηκα,
η χ̌ιλι͜ομαγεμέντσα
Εφόρεσεν κι ενέλλαξεν
κι εξέβεν σα ραχ̌ία

Επέρεν και την σπάθαν ατ’ς
και σο δεξ̌ί το χ̌έρ’ν ατ’ς
Έσυρεν και την σπάθαν ατ’ς
Σαρακηνόν εντώκεν

Θεέ μ’, κι αν ’κι θυμώντς Εσύ,
εγώ τ’ αίμαν ατ’ πίνω
σην Πόλην τρών’ Χριστιανούς
και σο Μισίρ¹ Ρωμαίους

Εγώ ατόν θ’ αλίζ’ ατον
και σον Μεμέτ θα στείλω
Πέντε υιούς μ’ εσκότωσαν
και το μικρό μ’ εφέκαν

Γλωσσάρι

Κείμενο	Επεξήγηση	Ετυμ. Ρίζα
αλίζ’	αλατίζω/ει
ατ’ς	αυτής, της
ενέλλαξεν	φόρεσε καλά/γιορτινά ρούχα
εντώκεν	χτύπησε
εξέβεν	βγήκε, ανέβηκε
επέρεν	πήρε
έσυρεν	έσυρε, τράβηξε, έριξε
εφέκαν	αφήσαν
εφόρεσεν	φόρεσε ρούχα
’κι	δεν	οὐκί<οὐχί
ραχ̌ία	ράχες, βουνά
χ̌έρ’ν	χέρι
χ̌ιλι͜ομαγεμέντσα	χιλιομαγεμένη

Σημειώσεις

¹ (λ.τ. Mısır<αραβ.miṣr) Αίγυπτο