Στρώσον το κρεβατόπο σου

Προβολή Τραγουδιού

Στρώσον το κρεβατόπο σου,
ραχ̌ί’ ψηλά χορτάρι͜α
Ωρίασον να μη χαλάντς,
ντ’ εχάρτσα σε τ’ ορτάρι͜α

Έλα να ποδεδίζω σε,
νε μέλι μ’, νε σ̌εκέρι μ’
Απόψ’ είδα σε σ’ όραμα μ’,
εκείσ’νε απάν’ σο χ̌έρι μ’

Σα τσ̌αϊροκοψίματα σ’
έπαρ’ εμέν εργάτη
Τα χορτάρι͜α ντο κόφτομε
ευτάμε ατα κρεβάτι

Γλωσσάρι

Κείμενο	Επεξήγηση	Ετυμ. Ρίζα
απάν’	πάνω
ατα	αυτά
εκείσ’νε	κειτόσουν, ξάπλωνες
έπαρ’	(προστ.) πάρε
ευτάμε	κάνουμε, φτιάχνουμε	εὐθειάζω
εχάρτσα	χάρισα
κόφτομε	κόβουμε
κρεβατόπο	κρεβατάκι
να ποδεδίζω	να χαρώ κπ
ορτάρι͜α	μάλλινες κάλτσες	ἀορτήρ
ποδεδίζω	(ενεργ. και μέση) χαίρομαι, απολαμβάνω, προσκυνώ	από+δέδιν (<δείδω=φοβάμαι, ανησυχώ)
ποδεδίζω σε	να σε χαρώ	από+δέδιν (<δείδω=φοβάμαι, ανησυχώ)
ραχ̌ί’	ράχης, βουνού
σ̌εκέρι	ζάχαρη, γλυκό/ά	şeker < şakar (περσ.) < śakkharā (οψ. σανσκ.) < śárkarā (σανσκριτ.)
στρώσον	(προστ.) στρώσε
τσ̌αϊροκοψίματα	κόψιμο των χορταριών στο λιβάδι	çayır + κόψιμο
χαλάντς	χαλάς, καταστρέφεις
ωρίασον	(προστ.) πρόσεξε, φύλαξε, φυλάξου