Ποντιακός Στίχος

Προβολή Τραγουδιού

Κατεβάστε τους στίχους σε PDF

Άνοιξον το παράθυρο σ’

Τη ψ̌ης ι-μ’ τραωδίαςΤη ψ̌ης ι-μ’ τραωδίας

Στιχουργοί: Γιάννης Βασιλειάδης

Συνθέτες: Κώστας Θεοδοσιάδης

Καλλιτέχνες: Κώστας Θεοδοσιάδης, Μιχάλης Καλιοντζίδης


Άνοιξον το παράθυρο σ’
ας παίρ’ απέσ’ αέρα
Χωρίς εσέν, τρυγόνα μου,
πώς θα δι͜αβαίν’ η μέρα μ’;

Για τ’ εσέν τρώγω το ποράν’
τ’ απάν’ ι-μ’ όλιον στάζει
Σο κρεβατόπο σ’ άγουρος,
πουλόπο μ’, ’κι νυστάζει

Σα χρόνια είσαι χάταλον,
σ’ ακίλ’, σο πόι τρανέσσα
Είδα κι εγνώρτσα έμορφα
σ’ εσέν καικά ’δέν ’κ’ έσαν

Και για τ’ εμέν όλια ελιώ
και για τ’ αρνί μ’ χαρτσεύω
Έχ’ ατο σ’ εγκαλιόπο μου
τερώ κι ατό ζηλεύω
Γλωσσάρι
ΚείμενοΕπεξήγησηΕτυμ. ΡίζαΠροέλευση
άγουροςνέος άνδρας
ακίλ’μυαλό akıl/ʿaḳl
άνοιξον(προστ.) άνοιξε
απάν’πάνω
απέσ’μέσα
’δέντίποτα
δι͜αβαίν’(για τόπο) περνάει/ώ, διασχίζει/ω, (για χρόνο) περνάει/ώ διαβαίνω
εγκαλιόποαγκαλίτσα
εγνώρτσαγνώρισα
ελιώλυπάμαι κπ/κτ, δείχνω ελεημοσύνη, μτφ. τσιγκουνεύομαι ἐλεέω-ἐλεῶ
έμορφαόμορφα
έσανήταν
’κ’δεν οὐκί<οὐχί
καικάπρος τα κάτω, εκεί ακριβώς, κοντά
’κιδεν οὐκί<οὐχί
κρεβατόποκρεβατάκι
όλιαόλα
όλιονόλο, ολόκληρο
παίρ’παίρνω/ει
πόιύψος, μπόι boy
ποράν’μπόρα, καταιγίδα boran<βενετ. bora<λατ. Boreas <Βορέας (αντιδάνειο)
πουλόποπουλάκι
τερώκοιτώ
τρανέσσαμεγάλη
τρυγόνατο πουλί τρυγόνι, χαϊδευτική προσφώνηση γυναίκας
χαρτσεύωξοδεύω harcamak
χάταλονμωρό, παιδί ἀταλός

Ποντιακός Στίχος - Pontian Lyrics 2025

Τραγούδια: 9815 | Albums/Singles: 1814 | Συντελεστές: 2051 | Λήμματα: 16325
Επικοινωνία: infoDUMMY@pontianlyrics.gr