Πουλί μ’, τ’ ομμάτια σ’ μαύρα είν’

Προβολή Τραγουδιού

Πουλί μ’, τ’ ομμάτι͜α σ’ μαύρα είν’,
μαύρα κι άμον σταφύλια
Φίλεμαν ’κι χορτάεται
ατού σ’ εσά τα χ̌είλια

Πουλί μ’, τ’ ομμάτι͜α σ’ τ’ έμορφα
εγώ πολλά λιγούμαι
Αρ’ θέλω να φιλώ ατα
ας σον Θεόν φογούμαι

Πουλί μ’, απέσ’ σην αύλι͜α σου
εγώ εσυμποδία
Ερρούξα εέμ’νε κουρατάν
και σο γιατρόν ’κ’ επήα

Πουλί μ’, απέσ’ στο καρδόπο σ’
αρ’ έ͜εις μαύρον ελαίαν
Εκειαπέσ’ θα κονεύω εγώ
αρνόπο μ’, τη φωλέα μ’

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
απέσ’	μέσα
αρνόπο	αρνάκι, χαϊδευτική προσφώνηση γυναίκας
ατα	αυτά
ατού	εκεί (σε τόπο ή σημείο που βρίσκεται σε κάποιο απόσταση)
αύλι͜α	αυλή
έ͜εις	έχεις
εέμ’νε	έγινα
είν’	(για πληθ.) είναι
εκειαπέσ’	εκεί μέσα
ελαίαν	ελιά
έμορφα	όμορφα
ερρούξα	έπεσα
εσά	δικά σου/σας
εσυμποδία	σκόνταψα, πεδικλώθηκα
’κ’	δεν	οὐκί<οὐχί
καρδόπο	καρδούλα
’κι	δεν	οὐκί<οὐχί
κονεύω	εγκαθίσταμαι, φωλιάζω, προσγειώνομαι (επί πτηνών)	konmak
κουρατάν	σακάτης, καταπονημένος	kurada/ḳurāḍa
λιγούμαι	επιθυμώ κτ σφοδρά, χάνω τις αισθήσεις μου, λιποθυμώ
ομμάτι͜α	μάτια
πολλά	(επίθ.) πολλά, (επίρρ.) πολύ
φίλεμαν	φιλί
φογούμαι	φοβάμαι
φωλέα	φωλιά
χορτάεται	χορταίνεται