Προβολή Τραγουδιού
Τα χρόνι͜α οπίσ’ ’κι κλώσκουνταν |

Στιχουργοί: Βασίλης Μωυσιάδης
Συνθέτες: Νίκος Σαββίδης
Καλλιτέχνες: Γιάννης Χριστοδουλίδης, Στέλιος Χαλκίδης
Όσα είν’ τα γεράδας ι-μ’, τα κρίματα πα ατόσα Έλα, μαχ̌αίρ’ ας δίγω σε και σην καρδία μ’ ντως α’ Τα χρόνι͜α οπίσ’ ’κι κλώσκουνταν, οι ανθρώπ’ ’κι νεούνταν Και τα γεράδες ι-μ’, αρνί μ’, με δάκρυ͜α ’κι λαρούνταν Άνοιξον, πουλί μ’, τέρεν α’, κάθκα και λογαρία Και -ν- ας δικά͜ει σε ο Θεόν για εγάπ’ς κατηγορίαν Τα χρόνι͜α οπίσ’ ’κι κλώσκουνταν, οι ανθρώπ’ ’κι νεούνταν Και τα γεράδες ι-μ’, αρνί μ’, με δάκρυ͜α ’κι λαρούνταν Εχάρτσεψαμ’ έναν ζωήν κι εδέβανε τα χρόνι͜α Έναν χαράν ’κ’ εδέκες με μόνον δάκρυ͜α και πόνι͜α Τα χρόνι͜α οπίσ’ ’κι κλώσκουνταν, οι ανθρώπ’ ’κι νεούνταν Και τα γεράδες ι-μ’, αρνί μ’, με δάκρυ͜α ’κι λαρούνταν
Κείμενο | Επεξήγηση | Ετυμ. Ρίζα | Προέλευση |
---|---|---|---|
α’ | (ατό) αυτό, το | ||
ανθρώπ’ | άνθρωποι | ||
άνοιξον | (προστ.) άνοιξε | ||
γεράδας | πληγές, τραύματα | yara | |
γεράδες | πληγές, τραύματα | yara | |
δίγω | δίνω | ||
δικά͜ει | δικάζει | ||
εγάπ’ς | αγάπης | ||
εδέβανε | (για τόπο) πέρασαν, διέσχισαν (για χρόνο) πέρασαν | διαβαίνω | |
εδέκες | έδωσες | ||
είν’ | (για πληθ.) είναι | ||
εχάρτσεψαμ’ | ξοδέψαμε | harcamak | |
’κ’ | δεν | οὐκί<οὐχί | |
κάθκα | (προστ.) κάθισε | ||
’κι | δεν | οὐκί<οὐχί | |
κλώσκουνταν | γυρίζουν, επιστρέφουν | ||
λαρούνταν | γιατρεύονται, θεραπεύονται | ||
λογαρία | (η) λογαριασμός, (προστ.) λογάριασε | ||
μαχ̌αίρ’ | μαχαίρι | ||
νεούνταν | νιώνουν, ξανανιώνουν | ||
ντως | (προστ.) χτύπα | ||
οπίσ’ | πίσω | ||
όσα | όσες φορές | ||
πα | πάλι, επίσης, ακόμα | ||
πόνι͜α | πόνοι | ||
τέρεν | (προστ.) κοίταξε |