Ανοιξεζ’νόν πουλί μ’

Ανοιξεζ’νόν [πουλί μ’]
είσαι τσ̌ιτσ̌άκ’ [γιαβρί μ’],
Καλοκαίρ’ κρέν πεγάδι
Μοθοπωρ’νόν [πουλί μ’]
ισούζ βρεχ̌ήν [γιαβρί μ’],
Χ̌ειμωγκονί’ γεργάνι

Ελέπω σε [πουλί μ’]
σο όνερο μ’, [γιαβρί μ’]
’ποίκες με παλαλόν -ι
Εσύ είσαι [πουλί μ’]
το φάρμακο μ’, [γιαβρί μ’]
σα πόνι͜α μ’ γιατρικόν -ι

Αροθυμία σ’ [πουλί μ’]
πολλά βαρύν, [γιαβρί μ’]
ποτήν ’κι ποτισκάται
Να σύρ’ ατο [πουλί μ’]
’κι σύρκεται [γιαβρί μ’]
να χάν’ ατο ’κι χάται

Έπαρ’ στράταν, [πουλί μ’]
έπαρ’ παπόρ’, [γιαβρί μ’]
αναμένω την έλα σ’
Πάντα με τ’ «αχ» [πουλί μ’]
και με το «βαχ» [γιαβρί μ’]
κυλίζω τα ημέρας