Προβολή Τραγουδιού
Εκάεν και το Τσ̌άμπασ̌ιν |
Έλληνες Ακρίτες Vol.4 | Πόντος, ΚαππαδοκίαΣτιχουργοί: Παραδοσιακό
Συνθέτες: Παραδοσιακό
Καλλιτέχνες: Σοφία Σινοπούλου
Εκάεν και το Τσ̌άμπασ̌ιν κι επέμ’ναν τα τουβάρι͜α [γιαρ, γιαρ, αμάν/όι! όι! αμάν] Ερρούξαν σο γουρτάρεμαν τ’ Ορτούς τα παλληκάρι͜α [γιαρ, γιαρ, αμάν] Βάι! Εκάεν κι εμανίεν τ’ Ορτούς το παρχάρ’ Εκεί άλλο ’δέν ’κ’ επέμ’νεν, μανάχον σαχτάρ’ Τρανόν κακόν σο Τσ̌άμπασ̌ιν, σπίτι͜α ’κι θ’ απομέν’νε [γιαρ, γιαρ, αμάν] Τρανοί, μικροί, φτωχοί, ζεγκίν’ όλ’ κάθουνταν και κλαίγ’νε [γιαρ, γιαρ, αμάν] Βάι! Εκάεν κι εμανίεν τ’ Ορτούς το παρχάρ’ Εκεί άλλο ’δέν ’κ’ επέμ’νεν, μανάχον σαχτάρ’ Κλαίει το Τσ̌αμλούκ, το Καρακιόλ κλαίν’ τα πεγαδομμάτι͜α [γιαρ, γιαρ, αμάν/όι! όι! αμάν] Κλαίν’ του Θεού τα πουλόπα, κλαίν’ τ’ έμορφα τ’ ελάτι͜α [γιαρ, γιαρ, αμάν] Βάι! Εκάεν κι εμανίεν τ’ Ορτούς το παρχάρ’ Εκεί άλλο ’δέν ’κ’ επέμ’νεν, μανάχον σαχτάρ’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| απομέν’νε | απομένουν | ||
| γιαρ | αγαπητός/ή/ό, αγάπη | yâr | |
| γουρτάρεμαν | σώσιμο, διάσωση | kurtarma | |
| ’δέν | τίποτα | ||
| εκάεν | κάηκε | ||
| ελάτι͜α | έλατα | ||
| εμανίεν | μαύρισε/μουντζουρώθηκε από την καπνιά, καταστράφηκε, κατακάηκε μέχρι καπνιάς | ||
| έμορφα | όμορφα | ||
| επέμ’ναν | απόμειναν | ||
| επέμ’νεν | απόμεινε | ||
| ερρούξαν | έπεσαν | ||
| ζεγκίν’ | πλούσιοι | zengin/sengīn | |
| ’κ’ | δεν | οὐκί<οὐχί | |
| κάθουνταν | κάθονται | ||
| ’κι | δεν | οὐκί<οὐχί | |
| κλαίγ’νε | κλαίνε | ||
| μανάχον | (ο) μοναχός, (επίρρ.) μόνο/μοναχά | ||
| όλ’ | όλοι/α | ||
| παρχάρ’ | ορεινός τόπος θερινής βοσκής | ||
| πεγαδομμάτι͜α | πηγές νερού | ||
| πουλόπα | πουλάκια | ||
| σαχτάρ’ | στάχτη | στάχτη<στάζω | |
| τουβάρι͜α | τοίχοι | duvar/dīvār | |
| Τσ̌άμπασ̌ιν | παρχάρι των Κοτυώρων του Πόντου (σημ. Ordu) στα ΝΑ της σημερινής επαρχίας Ορντού πολύ κοντά στα σύνορα με την επαρχία Κερασούντας | Çambaşı (κυρ. Πευκοκορφή) |
