Η κόρ’ επήεν σον παρχάρ’

Προβολή Τραγουδιού

Καλλιτέχνες: Νίκος Πουλικίδης, Παναγιώτης Ασλανίδης

Η κόρ’ επήεν σον παρχάρ’
[Έι! Πουλί μ’, πουλί μ’!]
να γίνεται ρομάνα
[Έλα, έλα λέγω σε]
Και κυνηγός θα γ̂ίνουμαι,
[Έι! Πουλί μ’, πουλί μ’!]
θ’ ευρήκ’ ατεν σ’ ορμάνι͜α
[Έλα, έλα λέγω σε]
[Ωχ!] Και κυνηγός θα γ̂ίνουμαι,
[Έι! Πουλί μ’ και -ν- αρνί μ’]
[Ωχ!] ευρήκ’ ατεν σ’ ορμάνι͜α
[Έλα, έλα λέγω σε]

Η κόρ’ επήεν σον παρχάρ’
[Έι! Πουλί μ’, πουλί μ’!]
εγέντονε ρομάνα
[Έλα, έλα λέγω σε]
κι εφώταξεν και ο παρχάρτς
[Έι! Πουλί μ’, πουλί μ’!]
εμόρφυναν τ’ ορμάνι͜α
[Έλα, έλα λέγω σε]
[Εχ!] κι εφώταξεν και ο παρχάρτς
[Έι! Πουλί μ’, ξαν αρνί μ’]
[Εχ!] κι εμόρφυναν τ’ ορμάνι͜α
[Έλα, έλα λέγω σε]

Ρομάνες, πάτεν σον παρχάρ’,
[Έι! Πουλί μ’, πουλί μ’!]
καλά δουλείας ποίστεν
[Έλα, έλα λέγω σε]
Ευτάτεν και τ’ ανθόγαλαν
[Έι! Πουλί μ’, πουλί μ’!]
το μερτικό μ’ αφήστεν
[Έλα, έλα λέγω σε]
[Εχ!] Ευτάτεν και τ’ ανθόγαλαν
[Έι! Πουλί μ’, ξαν αρνί μ’]
[Εχ!] το μερτικό μ’ αφήστεν
[Έλα, έλα λέγω σε]

Γλωσσάρι

Κείμενο	Επεξήγηση	Ετυμ. Ρίζα
ανθόγαλαν	ανθόγαλο, λιπαρή ουσία σαν αφρός που εμφανίζεται στην επιφάνεια του γάλακτος, όταν αυτό βράσει
ατεν	αυτήν
δουλείας	(ονομ. πληθ.) δουλειές, (γεν. ενικ.) δουλειάς
εγέντονε	έγινε
εμόρφυναν	ομόρφυναν
επήεν	πήγε
ευρήκ’	βρίσκω/ει
ευτάτεν	κάνετε, φτιάχνετε	εὐθειάζω
εφώταξεν	φώτισε
ξαν	πάλι, ξανά
ορμάνι͜α	δάση	orman
παρχάρ’	ορεινός τόπος θερινής βοσκής
παρχάρτς	ορεινός τόπος θερινής βοσκής
πάτεν	(προστ.) πηγαίνετε, πάτε
ποίστεν	(προστ.) κάντε, φτιάξτε	ποιέω-ῶ
ρομάνα	παρχαρομάνα, γυναίκα επιφορτισμένη με την επιμέλεια των ζώων και άλλες γαλακτοκομικές εργασίες στο παρχάρι (θερινό βοσκοτόπι)
ρομάνες	παρχαρομάνες, γυναίκες επιφορτισμένες με την επιμέλεια των ζώων και άλλες γαλακτοκομικές εργασίες στο παρχάρι (θερινό βοσκοτόπι)