Προβολή Τραγουδιού

Έλα, πουλόπο μ’, μετ’ εμέν

Καλλιτέχνες: Νίκος Δημητριάδης, Στάθης Πορφυρίδης

Έλα, πουλόπο μ’, μετ’ εμέν,
μ’ ευτάς την αμελεία σ’
Θ’ αγαπώ είναν έτερον
και καίω την καρδία σ’

Αρχόντισσα θα έχω σε,
βασίλισσα θα είσαι
Τσ̌ιτσ̌έκια και τραντάφυλλα
θα στρώνω και θα κείσαι

Είδα τ’ ομμάτι͜α σ’, είδα τα,
είδα τα δα̤κρωμένα
Φοούμαι γιάμ’ εντώκε σε
η μάνα σ’ για τ’ εμέναν

Ατά τ’ ομμάτι͜α σ’ που ελέπ’
πώς να μη παλαλούται;
Άψιμον να έν’ καίεται,
κρεμός να έν’ σκοτούται

Γλωσσάρι

Κείμενο	Επεξήγηση	Ετυμ. Ρίζα
ατά	αυτά
άψιμον	φωτιά
γιάμ’	μήπως, ή μη	ya/yā + μη
δα̤κρωμένα	δακρυσμένα
είναν	έναν, μία
ελέπ’	βλέπει/βλέπω
έν’	είναι
εντώκε	χτύπησε
έτερον	άλλο, διαφορετικό
ευτάς	κάνεις, φτιάχνεις	εὐθειάζω
κείσαι	κείτεσαι, ξαπλώνεις
κρεμός	γκρεμός
μετ’	μαζί με (με αιτιατική), με (τρόπος)
ομμάτι͜α	μάτια
παλαλούται	τρελαίνεται
πουλόπο	πουλάκι
σκοτούται	σκοτώνεται
τσ̌ιτσ̌έκια	λουλούδια	çiçek
φοούμαι	φοβάμαι