Τ’ ομματόπα μ’ επόνεσαν

Προβολή Τραγουδιού

Καλλιτέχνες: Γιάννης Αραματανίδης, Γιώργος Αμαραντίδης

Τ’ ομματόπα μ’ επόνεσαν
τη θάλασσαν να ελέπω
Τον ταχυδρόμον να ρωτώ
κι εγώ γραμμόπον ’κ’ έχω

Ανάθεμα σε θάλασσα
εσέν με τα παπόρι͜α
Χωρί͜εις τα μονοστέφανα
κοιμούνταν χώρι͜α-χώρι͜α

Θάλασσα να ετσουρούτονε
παπόρ’ πα να μη έτον
Ατώρα το μικρόν τ’ αρνί μ’
πορπατευτά πα θ’ έρ’τον

Γλωσσάρι

Κείμενο	Επεξήγηση	Ετυμ. Ρίζα
ατώρα	τώρα
γραμμόπον	γραμματάκι
ελέπω	βλέπω
έρ’τον	ερχόταν
έτον	ήταν
ετσουρούτονε	στέρευε, αποστραγγιζόταν	σειρώ=εκκενώνω, αδειάζω
’κ’	δεν	οὐκί<οὐχί
κοιμούνταν	κοιμούνται
ομματόπα	ματάκια
πα	πάλι, επίσης, ακόμα
παπόρ’	βαπόρι, καράβι	vapore
παπόρι͜α	βαπόρια, καράβια	vapore
πορπατευτά	περπατητά, πεζή
χωρί͜εις	χωρίζεις, ξεδιαλέγεις
χώρι͜α	χωριστά