Προβολή Τραγουδιού
Χαψία
Τη ψ̌ης ι-μ’ τοξαρέαςΣτιχουργοί: Παραδοσιακό
Συνθέτες: Παραδοσιακό
Καλλιτέχνες: Αλέξανδρος Παρχαρίδης, Νίκος Δημητριάδης
Χαψία εξέβαν σο γιαλόν, χοντρά τ’ ευλοημένα Τα παπόρι͜α έχ̌’ κι έρχουν ζίπα-ζίπα φορτωμένα Χαψία, χαψία, φατέστεν, σ̌κύλ’ παιδία! Και ντ’ έμορφα μαειρεύ’ α̤τα η θεία μ’ Ευδοξία! Τραπεζουνταίοι, Κερασουνταίοι, όλ’ παίρ’νε τηγανίζ’νε Τ’ εμέτερον οι Σουρμενίτ’ με τα πατμάνι͜α αλίζ’νε Χαψία, χαψία, φατέστεν, σ̌κύλ’ παιδία! Και ντ’ έμορφα μαειρεύ’ α̤τα η θεία μ’ Ευδοξία! Χαψία βάλεν σο πλακίν εσέν λέγω, Ηλία! ’Κχ̌ύσον και λίγον λαδόπον ας γίν’νταν μερακλία Χαψία, χαψία, φατέστεν, σ̌κύλ’ παιδία! Και ντ’ έμορφα μαειρεύ’ α̤τα η θεία μ’ Ευδοξία!
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αλίζ’νε | αλατίζουν | ||
| βάλεν | βάλε (προστ.) | ||
| γίν’νταν | γίνονται | ||
| εμέτερον | δικός/ή/ό μου | ||
| έμορφα | όμορφα | ||
| εξέβαν | βγήκαν | ||
| έρχουν | έρχονται | ||
| ευλοημένα | ευλογημένα | ||
| έχ̌’ | έχει | ||
| ζίπα-ζίπα | (έκφ.) για κάτι που είναι γεμάτο μέχρι πάνω, φίσκα | زیبا (zībā=όμορφο, στολισμένο) | |
| ’κχ̌ύσον | χύσε, περίχυσε (προστ.) | ||
| μαειρεύ’ | μαγειρεύει | ||
| μερακλία | με μεράκι, με ιδιαίτερο ζήλο | meraklı/merāḳ | |
| όλ’ | όλοι/α | ||
| παιδία | παιδιά | ||
| παίρ’νε | παίρνουν | ||
| παπόρι͜α | βαπόρια, καράβια | vapore | |
| πατμάνι͜α | μονάδα βάρους της εποχής (1 πατμάνι=6 οκάδες≈7,7 κιλά) | batman | |
| πλακίν | λίθινη πλάκα, αβαθές σκεύος μαγειρέματος | ||
| φατέστεν | φάτε (προστ.) | ||
| χαψία | γαύροι | hamsi<ჰამსი |