Προβολή Τραγουδιού
Ο γυρευόν |
Όνταν ο Πόντον κρούει σο νου μ’Στιχουργοί: Χρήστος Χρυσανθόπουλος
Συνθέτες: Χρήστος Χρυσανθόπουλος
Καλλιτέχνες: Χορωδία, Χρήστος Παπαδόπουλος, Χρήστος Χρυσανθόπουλος
[Ωχ! Και -ν-] Όλα̤ σ̌κεπάζ’ ο χ̌ειμωγκόν με τ’ άσπρον το γεργάν’ ατ’ [γιαρ, γιαρ, αμάν/ωφ, ωφ, αμάν] [Εχ! Και -ν-] Έναν πουλίν κλαίει κι αραεύ’ ντ’ εχάσεν τη σεβντάν ατ’ [γιαρ, γιαρ, αμάν/ωφ, ωφ, αμάν] Όταν έρχουμαι σην πόρτα σ’, πουλί μ’, εσύ άνοιξον Για τ’ εμέν τον κύρ’ -τ- σ’, τη μάνα σ’, πουλί μ’, εσύ τάβιξον [Ωχ! Και] Σ’ έναν στράταν τη μαχαλάς ο γυρευόν εκάτσεν [γιαρ, γιαρ, αμάν/ωφ, ωφ, αμάν] [Εχ! Και] Τ’ ομματόπα τ’ εθόλωσαν, φέτος πασ̌τάν εχάθεν [γιαρ, γιαρ, αμάν/ωφ, ωφ, αμάν] Όταν έρχουμαι σην πόρτα σ’, πουλί μ’, εσύ άνοιξον Για τ’ εμέν τον κύρ’ -τ- σ’, τη μάνα σ’, πουλί μ’, εσύ τάβιξον [Εχ! Και] Τα χ̌ερόπα μ’ επάγωσαν, ο πάγον θα σ̌κεπάζ’ με [γιαρ, γιαρ, αμάν/ωφ, ωφ, αμάν] [Ωχ! Και] Ποίος θ’ ανοί͜ει την πόρταν ατ’ απόψ’ για να μονάζ’ με [γιαρ, γιαρ, αμάν/ωφ, ωφ, αμάν] Όταν έρχουμαι σην πόρτα σ’, πουλί μ’, εσύ άνοιξον Για τ’ εμέν τον κύρ’ -τ- σ’, τη μάνα σ’, πουλί μ’, εσύ τάβιξον
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| ανοί͜ει | ανοίγει | ||
| άνοιξον | (προστ.) άνοιξε | ||
| αραεύ’ | ψάχνω/ει, αναζητώ/άει, γυρεύω/ει | aramak | |
| γεργάν’ | πάπλωμα | yorgan | |
| γιαρ | αγαπητός/ή/ό, αγάπη | yâr | |
| γυρευόν | επαίτη(ς), ζητιάνο(ς) | ||
| εκάτσεν | κάθισε | ||
| έρχουμαι | έρχομαι | ||
| εχάθεν | χάθηκε | ||
| εχάσεν | έχασε, έδιωξε, πέταξε | ||
| κύρ’ | πατέρα | ||
| μαχαλάς | γειτονιάς | mahalle/maḥalle | |
| μονάζ’ | φιλοξενώ/εί κάποιον για διανυκτέρευση, φιλοξενείται | ||
| ομματόπα | ματάκια | ||
| πασ̌τάν | ολωσδιόλου, εντελώς | baştan | |
| ποίος | (ερωτημ.) ποιός, (αναφ.αντων.) όποιος | ||
| σεβντάν | αγάπη, έρωτα | sevda/sevdā | |
| σ̌κεπάζ’ | σκεπάζω/ει | ||
| τάβιξον | (προστ.) μάλωσε, φιλονίκησε, επίπληξε | dava/daʿvā | |
| χ̌ειμωγκόν | (ονομ.) χειμώνας, (γεν.) χειμώνα | ||
| χ̌ερόπα | χεράκια |
