Προβολή Τραγουδιού
Ο Βαζελώνας |
Ο ΒαζελώναςΣτιχουργοί: Adem Ekiz
Συνθέτες: Adem Ekiz
Καλλιτέχνες: Adem Ekiz, Berat Bayraktar, Özen Özgürbüz
Αχ! Τραπεζούντα μ’, Τραπεζούντα μ’! Νι͜ά ατείν’ που έχουνε σε χαρεμένοι είναι και νι͜ά ατείν’ που εφέκανε σε και έφυγαν σα μακρά... σα πολλά μακρά! Σίτι͜α επέᶥγ̆’να ση Σουμελά είδα τον Βαζελώνα Έγραψα έναν τραγωδίαν, τ’ ομμάτι͜α μ’ δα̤κρωμένα Η Τραπεζούντα κι ο Πόντον κι όλα τα μοναστήρι͜α Επέμ’νετε άμον ορφανά σα ισούζ’κα τα μέρι͜α Εχαλάγαν τα τουβάρι͜α σ’, εσάπαν τα στουλάρι͜α σ’ Χορτάρι͜α και κιντέατα ’φύτρωσαν ολοᶥέρα σ’ Αργυρούπολη κι ο Πόντον κι όλα τα μοναστήρι͜α Επέμ’νετε άμον ορφανά σα ισούζ’κα τα μέρι͜α Ελέπ’νε σε η Σουμελά και Περιστερεώτα Βαζελώνα μ’, ’κ’ επέμ’νε σε νέ παραθύρ’, νέ πόρταν Η Σαμψούντα και ο Πόντον κι όλα τα μοναστήρι͜α Η Ριζούντα και ο Πόντον κι όλα τα μοναστήρι͜α Επέμ’νετε άμον ορφανά σα ισούζ’κα τα μέρι͜α
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άμον | σαν, όπως, καθώς | ἅμα | |
| ατείν’ | αυτοί | ||
| δα̤κρωμένα | δακρυσμένα | ||
| ελέπ’νε | βλέπουνε | ||
| επέμ’νε | απόμεινε | ||
| επέμ’νετε | απομείνατε | ||
| επέᶥγ̆’να | πήγαινα | ||
| εφέκανε | άφησαν | ||
| εχαλάγαν | (αμεταβ.) χάλασαν | ||
| ισούζ’κα | ερημικά, απομονωμένα | ıssız | |
| ’κ’ | δεν | οὐκί<οὐχί | |
| μακρά | (επιρρ.) μακριά, (επιθ.) μακρινά, απομακρυσμένα | ||
| μέρι͜α | μέρη | ||
| νέ | ούτε | ne | |
| νι͜ά | ούτε | ne | |
| ολοᶥέρα | ολόγυρα | ||
| ομμάτι͜α | μάτια | ||
| πολλά | (επίθ.) πολλά, (επίρρ.) πολύ | ||
| σίτι͜α | καθώς, ενώ | σόταν<εις όταν | |
| στουλάρι͜α | στύλοι που βαστάζουν την στέγη οικίας, μτφ. στηρίγματα | ||
| τουβάρι͜α | τοίχοι | duvar/dīvār | |
| τραγωδίαν | τραγούδι |
