Μοθόπωρος καιρός έτον

Προβολή Τραγουδιού

Καλλιτέχνες: Φίκος Καλλιφατίδης, Χρήστος Χρυσανθόπουλος

Εμέν το «αχ!» τιδέν ’κ’ ευτάει,
το «βαχ!» κουβαλαεύ’ με
Τα δύ’ εντάμαν, «αχ!» και «βαχ!»
το ψ̌όπο μ’ τογραεύ’νε

Μοθόπωρος καιρός έτον
ερρούζ’νανε τα φύλλα
Την αραπά μ’ εφόρτωσα
να πάγω πουλώ ξύλα

Μοθόπωρος καιρός έτον
εσέρευαμε μήλα
Εγώ ασ’ εγεννέθα κιάν’
καλόν ημέραν ’κ’ είδα

Πουλί μ’, πάγω σην ξενιτει͜άν
αν τυχόν και κερδίζω
Έρχουμαι και μοθοπωρί’
εσέν χαρεντερίζω

Γλωσσάρι

Κείμενο	Επεξήγηση	Ετυμ. Ρίζα
αραπά	άμαξα	araba
ασ’	από
δύ’	δύο
εγεννέθα	γεννήθηκα
εντάμαν	μαζί
ερρούζ’νανε	έπεφταν
έρχουμαι	έρχομαι
εσέρευαμε	μαζεύαμε, συγκεντρώναμε	σωρεύω
έτον	ήταν
ευτάει	κάνει, φτιάχνει	εὐθειάζω
’κ’	δεν	οὐκί<οὐχί
κιάν’	και άνω, και εξής, και πέρα
κουβαλαεύ’	καταδιώκει, κυνηγάει	kovalamak
μοθοπωρί’	φθινόπωρο καιρό
μοθόπωρος	φθινόπωρο
τιδέν	τίποτα
τογραεύ’νε	κομματιάζουν	doğramak
χαρεντερίζω	χαροποιώ, ψυχαγωγώ
ψ̌όπο	ψυχούλα